Elementët teknologjikë që do të përdoren në zgjedhjet e 25 prillit

KOMENTE

SHPERNDAJE
ARTIKULLIN

Text sizeAa Aa

Në disa elementë të procesit zgjedhor më 25 prill do të përdoret teknologjia, e cila synon të shtojë sigurinë.

Në emisionin “Me Pak Fjalë” u shpjegua se si do të funksionojnë këto elementë gjatë procesit zgjedhor.

Së pari, në çdo qendër votimi do të ketë kamera të cilat do të monitorojnë procesin e votimit.

Nënkomisionerja e KQZ-së, Lealba Pelinku u shpreh për “Me Pak Fjalë”  se synimi i kamerave është “të provojë situatat që përbëjnë shkelje të ligjit”.

Materiali i xhiruar mund të përdoret për të verifikuar denoncimet që mund të vijnë nga palët politike.

Në këto zgjedhje, identifikimi i zgjedhësve do të bëhet elektronikisht. Komisioni në qendrën e votimit do të verifikojë kartën e identitetit ose pasaportën e votuesit në një pajisje elektronike.

Sipas znj. Pelinku kjo pajisje evidenton rastet kur zgjedhësi është duke votuar jo në qendrën e tij të votimit dhe rastet kur identifikon rastet kur zgjedhësi provon të votojë më shumë se një herë.

Nëse të dhënat rezultojnë të rregullta, qytetarët do të lënë shenjat e gishtërinjve të cilat do të regjistrohen në këtë pajisje.

Kjo bëhet vetëm për një qëllim. Pasi të mbarojë procesi i votimit, të gjitha këto shenja do të mblidhen nga KQZ në një bazë të dhënash dhe do të krahasohen për të parë nëse kemi raste të votimit më shumë se një herë.

Përmes kësaj mase mund identifikohen këto raste dhe prokuroria do të ketë mundësi të hetojë për të gjetur shkelësit e ligjit.

Elementi i fundit teknologjik në zgjedhjet e 25 prillit është votimi elektronik, i cili prek vetëm votuesit e Zonës Administrative Zgjedhore nr. 40 në Tiranë që përkon me njësinë 10.

Përveç kësaj ZAZ, në të gjithë Shqipërinë votimi do të kryehet me letër, si në zgjedhjet e shkuara.

Votimi elektronik është projekt që po pilotohet nga KQZ, në 32 qendrat e votimit të ZAZ 40 në Tiranë.

Pajisja elektronike përveç regjistrimit do të bëjë edhe printimin e votave të cilat do të kalojnë automatikisht në kuti për t’u ruajtur.

Lexoni gjtihashtu:

Lealba Pelinku: Qytetarët të verifikojnë qendrat e votimit, mund të ketë ndryshime


Etiketimet

Mbi 100 qytetarë presin në aeroportin e Rinasit për të vijuar udhëtimet

Mbi 100 qytetarë janë duke pritur në ambientet e jashtme të aeroportit “Nënë Tereza” për të vijuar udhëtimet e tyre. Me çanta dhe valixhe ata...

Rezultatet e sondazhit të katërt të Barometrit Politik në Euronews Albania

Sonte në emisionin Barometri Politik do të njiheni me rezultatet e fundit të dala nga sondazhi i katërt kombëtar, i realizuar nga kompania MRB...

Prokuroria ngre akuzë për tre kontrollorë të trafikut ajror, lihen të lirë të tjerët

Pasi qëndruan prej disa orësh në mjediset e Drejtorisë së Policisë së Tiranës, prokuroria ka ngritur zyrtarisht akuzë vetëm ndaj tre kontrollorëve të trafikut...









Regjistrohu për të marrë NEWSLETTER