Anëtar i Komisionit të Sanksioneve dhe Ankesave në KQZ, Ledio Braho thotë se Presidenti është brenda afatit legjitim për të përcaktuar një datë për zgjedhjet e pjesshme në 6 bashkitë pa kryetar.

Braho tha se i takon KQZ të marrë një vendim për të përcaktuar se kush përfaqëson PD dhe kush do të regjistrojë kandidatët në emër të saj në bazë të një vendimi gjykate.

“Do të jetë z. Celibashi që do të përcaktojë si kreu i KQZ, kush përfaqëson PD dhe kush do të regjistrojë kandidatët në emër të saj në bazë të gjykatës”, tha Braho.

Ai tha se nuk mund të bëjë një parashikim se çfarë do të ndodhi me përçarjen brenda PD, por shtoi se ka mekanizëm për të kandiduar si i pavarur për kryetar bashkie.