Negociatat, Nurellari: Shqipëria në këtë proces është ‘breshka e rajonit’

KOMENTE

SHPERNDAJE
ARTIKULLIN

Text sizeAa Aa

Mosmarrëveshjet mes Bullgarisë dhe Maqedonisë së Veriut u bënë shkak që BE-ja të mos arrinte një unitet për të caktuar një datë për mbajtjen e Konferencës së Parë Ndërqeveritare për negociatat.

Analisti Adri Nurellari u shpreh në “Raw Politics” se dështimi për mbajtjen e konferencës është qartësisht përgjegjësi e dyanshme; si për Shqipërinë ashtu dhe për vetë Bashkimin Evropian.

“Mund të jenë të dyja të vërteta, këto nuk e përjashtojnë njëra-tjetrën. Nëse BE do të kishte presion, siç u bë edhe me Marrëveshjen e Prespës me Greqinë do kishte zhvillime. Ka raste që mund të marrë veprime me presione konkrete”, tha Nurellari.

Ai u shpreh kritik për klasën politike në Shqipëri, e cila sipas Nurellarit nuk ka punuar sa duhet për të përshpejtuar procesin integrues në BE.

“Nuk ka se si të mos kenë përgjegjësi këto shtete. RMV-ja ka një përgjegjësi të kufizuar, sepse në 2009 e ka marrë ftesën nga institucionet teknike në përmbushjen e kritereve. Shqipëria ka problemet e veta. Është e vërteta se kësaj here fajin e ka Bullgaria. Shqipëria në këtë proces është “breshka e rajonit” dhe është faji i të gjitha elitave politike. Shqipëria po ecën shumë ngadalë dhe kjo lë shumë për të dëshiruar. Ne jemi të vonuar në çdo aspekt”, shton ai.

Përballë moderatores Erla Mëhilli, nënkryetarja e Komisionit Parlamentar të Integrimit, Senida Mesi, u shpreh se klima politike e polarizuar ka frenuar përpjekjet e Shqipërisë për t’iu afruar BE-së.

“Klima konfliktuale politike nuk ndihmon. Klima e polarizuar nuk ndihmon në rrugëtimin më përpara dhe BE-ja minimalisht do një klimë që është stabël. Kur flas për klimë politike janë të gjithë faktorët dhe aktorët që ndikojnë”, thekson znj. Mesi.

LEXONI GJITHASHTU: 

Etiketimet

“Conference League”, Laçi e Prishtina kalojnë në fazën e tretë, eliminohen Partizani dhe Drita

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan. Prishtina e siguroi...

Kalon ligji për shtetësi në RMV, iniciativë e partive shqiptare

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet...

Armando Subashi mohon që deklarimet e Petro Koçit të jenë akuza ndaj tij

Akuzave të deputetit të zgjedhur të Partisë Socialiste, Petro Koçi për tenderët në bashkinë e Fierit, u është përgjigjur herë të parë kryetari i...














Regjistrohu për të marrë NEWSLETTER