Zv.ministri i infrastrukturës dhe deputeti i PD përplasen për koncesionet

KOMENTE

SHPERNDAJE
ARTIKULLIN

Text sizeAa Aa

Infrastruktura ka qenë tema e diskutimeve në emisionin “RinOn” ku përballë Eva Koltraka, e diplomuar për kontabilitet dhe Ardiana Laska, e diplomuar për marrëdhënie ndërkombëtare dhe diplomaci, ishin Zv.ministri i Infrastrukturës, Ilir Bejtja dhe deputeti i PD, Lefter Gështenja.

Ligjvënësi opozitar foli për keqmenaxhim dhe rritje të kostos për ndërtimin e rrugëve në vend dhe akuzoi se qeveria nuk ka strategji dhe plan kombëtar për infrastrukturën.

Zv.ministri nga ana e tij tha se strategjia e zhvillimit të infrastrukturës përfshin koncesionet apo partneritetin publik privat, ku privati paguan koston e kapitalit.

Por, deputeti Gështenja kundërshtoi duke thënë se sipas praktikës së koncesioneve të PS, qeveria merr riskun e investimit ndërkohë kur duhet të ndodhet e kundërta.

“Ligji i koncesioneve e thotë qartë ku bazohet. E para është që shteti transferon të gjithë riskun tek privati dhe e dyta pamundësia për financim. Të dyja shkelen nga shteti. Riskun e merr qeveria dhe për më tepër hyn garant në marrjen e kredisë për privatin”, tha ai.

Deputeti i PD tha se nevojitet një plan kombëtar që duhet të miratohet me konsensusin e opozitës dhe të përfshijë një plan 20-vjeçar,

Zv.ministri Bejtja deklaroi se koncesionet janë fituar nga konsorciume ku kompani shqiptare bashkëpunojmë me kompani të huaja për të realizuar tenderët e fituara.

“Në të gjitha rastet e kontratave koncesionare nuk ka pasur një të vetme që të jetë një kompani shqiptare që ka nënshkruar kontratë për rrugë dhe ta bëjë atë vetëm. Janë që të gjitha me partnerë të huaj, lidhur me eksperiencën dhe ekspertizën që duhet për të plotësuar kushtet”, tha ai.

Ilir Bejtja tha se një nga projektet e rëndësishme që do të përfundohet së shpejti është Rruga e Arbrit. Nga ana tjetër tha se ka nisur puna për të kryer një studim fizibiliteti për të ndërtuar hekurudhën që lidh vendin me Kosovën.

Ndërsa Lefter Gështenja foli për mungesë të fondeve për zhvillimin e infrastrukturës duke  thënë se të ardhurat e taksës së qarkullimit përdoren nga qeveria për “të mbyllur gropa të tjera të zeza”.

LINI NJE KOMENT

Please enter your comment!
Please enter your name here

Etiketimet

OBSH: Nuk e dimë ende nëse Omicron është më shumë i transmetueshëm

Një numër më i madh shtetesh në të gjithë botën po raportojnë rastet e para të të infektuarve me variantin e ri të covid-19...

Dhuna ndaj grave, protestuesit në Belgjikë kërkojnë më shumë angazhim të policisë

Mijëra protestues në kryeqytetin belg dolën në rrugë të dielën për të demonstruar kundër dhunës ndaj grave. Afërsisht 8 mijë persona iu bashkuan protestave në...

Mësuesja finlandeze u jep mësim online fëmijëve në kampin ‘Al-Hol’

Ilona Taimela është personazhi kryesor i një historie që deri më tani është mbajtur sekret. Kjo mësuese nga Finlanda u ofron kurse mësimi në...

Regjistrohu për të marrë NEWSLETTER