“Udhëtarët” vizitojnë Pukën, qytetin e vogël që ofron plot surpriza

KOMENTE

SHPERNDAJE
ARTIKULLIN

Text sizeAa Aa

Ajri i pastër prej pyjeve me pisha, burimet e pastra të ujit, prodhimet e likerit, reçelit, apo birrës, shkolla ku në vitet 30-të jepte mësim Migjeni si dhe ekipi i Tërbunit janë disa prej aspekteve për të cilat dallon Puka.

“Udhëtarët” Loneta Progni dhe Renaldo Salianji tregojnë në udhëtimin e tyre të radhës se përse duhet vizituar ky qytet dhe rrethinat e tij.

Qyteti ndodhet rreth 60 kilometra në lindje të Shkodrës rrethuar nga majat e larta të Tërbunit, Munellës dhe Krabit, të cilat kanë si karakteristikë kryesore një masiv prej qindra hektarësh pisha, dhjetëra shpella dhe burime të pastra uji.

Sikurse vënë në dukje Loneta dhe Renaldo, qyteti ka një infrastrukturë të mirë, një park pranë një rezervuari që i jep hije qytetit, ndërsa vitet e fundit banorët e zonës kanë investuar duke ngritur dhe bujtina apo hotele.

Pikërisht për të nxitur turizmin, një prej sipërmarrësve të zonës ka ndërtuar një tren lëvizës me rrota në mënyrë që vizitorëve t’u ofrohet një guidë e shpejtë në gjithë qytetin.

Në fund të viteve 30-të në Pukë u zhvendos poeti i shquar Millosh Gjergj Nikolla, njohur me nofkën Migjeni. Ai vuante nga tuberkulozi dhe kërkoi të jepte mësim në Pukë prej ajrit të pastër.

Shkolla ku ai dha mësim “Shkolla Migjeni” sot është një shkollë muze, e cila mban ende sot tryezën dhe sende personale të tij.

Në Pukë prej rreth 20 vitesh dallon një punishte likeresh dhe reçeli vendi që nuk duhet humbur, ndërkohë qyteti është mjaft i lidhur me futbollin dhe ekipin e tij “Tërbuni”, që këtë vit u rikthye në “Kategorinë e Parë” duke rrëzuar Flamurtarin.

Etiketimet

“Conference League”, Laçi e Prishtina kalojnë në fazën e tretë, eliminohen Partizani dhe Drita

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan. Prishtina e siguroi...

Kalon ligji për shtetësi në RMV, iniciativë e partive shqiptare

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet...

Armando Subashi mohon që deklarimet e Petro Koçit të jenë akuza ndaj tij

Akuzave të deputetit të zgjedhur të Partisë Socialiste, Petro Koçi për tenderët në bashkinë e Fierit, u është përgjigjur herë të parë kryetari i...














Regjistrohu për të marrë NEWSLETTER