Fushë-Arrëzi, vendi i mikpritjes dhe traditave për “Udhëtarët”

KOMENTE

SHPERNDAJE
ARTIKULLIN

Text sizeAa Aa

Dikur Fushë-Arrëzi njihej më së shumti për stabilimentin industrial të përpunimit të drurit dhe fabrikën e pasurimit të bakrit, mirëpo kjo qytezë e gjendur mes Pukës dhe Kukësit ka të tjera aspekte të cilat e bëjnë atë të veçantë.

“Udhëtarët” Loneta Progni dhe Renaldo Salianji tregojnë në serinë e radhës për traditat, mikpritjen, mbledhjen e frutave të pyllit si dhe mjeshtërinë e përpunimit të drurit.

Fushë-Arrëzi gjendet 23 kilometra larg Pukës – rreth 35 minuta me makinë – dhe rreth 70 kilometra larg Kukësit – më pak se dy orë larg. Deri në fund të vitit 2010 rruga përmes Fushë-Arrëzit ishte e vetmja që të çonte drejt verilindjes.

Natyra është treguar tejet bujare me këtë zonë, që rrethohet nga qindra hektarë pyje pishash dhe me plot burime ujore.

Pikërisht ky aspekt e bën të veçantë për faktin se pyjet kanë mjaft fruta dhe kjo ka bërë që banorë të zonës ta zhvillojnë grumbullimin dhe përpunimin e tyre duke e kthyer në një biznes të suksesshëm. Agustin Prendi, një prej sipërmarrësve të zonës tregoi se boronica, mjedra apo dhe luleshtrydhet e qarkut të Pukës, pas atyre të Tropojës, janë ndër më të kërkuarat në Shqipëri.

Për të dëshmuar se pyjet e Fushë-Arrëzit janë të pasur me fruta, dy “Udhëtarët” vijuan në Qafë-Mali për të grumbulluar vetë.

Ndër pikat më interesante të zonës është fshati Kryezi rreth 5 kilometra në veri të qytetit të Fushë-Arrëzit. I veçantë për gatimet tradicionale si flija, fshati ka pranë tij një lum dhe ujëvarë fantastike që ia vlen të vizitohet – rreth 10 minuta me ecje.

Gdhendësi i drurit Miklovan Doda i shpjegoi Renaldos në punishten e tij se si kryen ai veprat e tij të artit. Me një proces që kërkon mund, durim dhe talent, ai i dhuroi “Udhëtarëve” një mbishkrim me djegie të emrit të emisionit të punuar në dru.

Por Fushë-Arrëzi është i njohur edhe për aspektet kulturore siç janë vallet, muzika dhe kënga popullore. Këtë pjesë e trashëgojnë me përkushtim instrumentistët dhe valltarët e Qendrës Kulturore Fushë-Arrëz.

Deri më tani “Udhëtarët” kanë eksploruar Shkodrën dhe rrethinat e saj, Malësinë e Madhe dhe Pukën, ndërsa deri në fund të muajit korrik pritet të vizitojnë të gjitha vendet e tjera të Shqipërisë.

LEXONI GJITHASHTU:

Etiketimet

“Conference League”, Laçi e Prishtina kalojnë në fazën e tretë, eliminohen Partizani dhe Drita

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan. Prishtina e siguroi...

Kalon ligji për shtetësi në RMV, iniciativë e partive shqiptare

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet...

Armando Subashi mohon që deklarimet e Petro Koçit të jenë akuza ndaj tij

Akuzave të deputetit të zgjedhur të Partisë Socialiste, Petro Koçi për tenderët në bashkinë e Fierit, u është përgjigjur herë të parë kryetari i...














Regjistrohu për të marrë NEWSLETTER