“Udhëtarët” eksplorojnë të veçantat e rrethinave të Elbasanit

KOMENTE

SHPERNDAJE
ARTIKULLIN

Text sizeAa Aa

“Udhëtarët” Loneta Progni dhe Renaldo Salianji sjellin në serinë e radhës të veçantat e rrethinave të Elbasanit ku spikat e ashtuquajtura “Zona e Shpatit” me Shushicën dhe Gjinarin.

Shushica ndodhet rreth 9.5 kilometra në juglindje të Elbasanit, përtej lumit Shkumbin. Emri vjen nga fjala “shushullimë” që siç tregojnë banorët lidhet me “shushullimën e ujit, apo zogjve” për të cilat kjo zonë kanë me bollëk.

Në fillim të Shushicës kalohet për në Byshek, një vend me rrape shekullore që nga turqishtja nënkupton vend çlodhës dhe ku spikat burimi i Byshekut, pranë së cilit vijon të punojë një mulli uji historik. Kjo zonë njihet për tradita dhe tolerancë mes kulturave dhe feve të ndryshme.

Fshatrat e “Zonës së Shpatit” e kanë pasur traditë që për çdo çift që martohej të kishte me patjetër një kostum popullor, të cilin vijojnë ta trashëgojnë brez pas brezi. Ngjashëm ata trashëgojnë edhe vallet karakteristike.

Rreth 12 kilometra më tutje, në Shelcan, ndodhet një kishe shekullore si ajo e Shën Kollit – shpallur monument kulture që në vitin 1948, – ku janë ende në gjendje të mirë – por që kanë nevojë për restaurim, – pikturat e mjeshtrit të madh të ikonografisë Onufri.

“Krishti me tre fytyra” është një nga pikturat më të rralla në Shqipëri, që mendohet të jetë pikturuar në Kishën e Shën Kollit rreth viteve 1550-1560. E gjithë kisha ka piktura magjepsëse të cilat qindra vizitorë vijnë dhe i shohin çdo vit.

Nëse vijojmë rreth 10 kilometra më në thellësi shkohet në Gjinar, një fshat i njohur për pyjet dhe pikat mjaft tërheqëse për turizëm.

Deri më tani Loneta dhe Renaldo kanë eksploruar pothuajse gjithë veriun, ndërsa deri në fund të muajit korrik pritet të vizitojnë të gjitha vendet e tjera të Shqipërisë.

LEXONI GJITHASHTU:

Etiketimet

Ulen tensionet Paris-Uashington, Franca rikthen ambasadorin

Presidenti i Francës, Emmanuel Macron do të rikthejë javën e ardhshme ambasadorin francez në Shtetet e Bashkuara. Vendimi u mor pas një bisede telefonike të...

Reciprociteti për targat serbe, profesori: Dy mesazhet që Kosova i përcolli Brukselit

Aplikimi i reciprocitetit të Kosovës për targat e automjeteve serbe ka prodhuar debate mes Prishtinës dhe Beogradit si dhe ka nxitur reagime nga Brukseli. Blerim...

Çollaku: Rama e ka masakruar Kosovën. Vodo: Ka promovuar interesat e Shqipërisë

Deputeti i Partisë Demokratike, Kreshnik Çollaku dhe ekspertja e gjeopolitikës, Teuta Vodo janë përplasur mbi idenë e “Open Balkan”. Sipas Çollakut, Rama e ka dëmtuar...

Regjistrohu për të marrë NEWSLETTER