“Udhëtarët” shijojnë historinë dhe plazhet e Himarës

KOMENTE

SHPERNDAJE
ARTIKULLIN

Text sizeAa Aa

Me kalanë e Porto Palermos dhe plazhet e bukura, Himara është një nga vendet më të vizituara nga turistët gjatë periudhës së verës në Shqipëri. Pikërisht këtë vend vizituan së fundmi “Udhëtarët” Loneta Progni dhe Renaldo Salianji, të cilët sjellin në episodin e radhës historinë dhe veçantitë e kësaj zone.

Kalaja e Porti Palermos, apo e njohur ndryshe si kalaja e Ali Pashë Tepelenës, pasi është ndërtuar nga Ali Pasha si një dhuratë për një nga gratë e tij, Vasiliqinë, të cilën, sipas kronikanëve të kohës, Pashai i Janinës e kishte shumë për zemër.

E ndodhur vetëm 6 km larg nga Himara, në gjirin e vogël tektonik të Porto Palermos (në antikitet e njohur si gjiri i Panormës) ajo është një nga kalatë më të mirëmbajtura në Shqipëri. Brenda saj ka shumë gjurmë të historisë, periudhë pas periudhe, që nga fotot në mur të Pashait të Janinës, e deri te dhoma që ka shërbyer për haremin i tij, apo vendi ku mbahej benzina gjatë regjimit komunist.

Forma e tarracës tregon se në atë kohë ajo ishte një vend shumë i mirë për tu mbrojtur nga armiqtë. Aty ndodheshin topat luftarakë të Ali Pashë Tepelenës si dhe vendet ku qëndronin ushtarët. Bedenat bien menjëherë mbi det, si thikë dhe legjenda thotë se aty përfundonin armiqtë e Pashait të Madh.

Pas Ali Pashës, ka qenë Mbreti Zog ai i cili e ka përdorur kalanë si kamp internimi, ndërsa gjatë periudhës se regjimit komunist në vitin 1946 u shpall monument kulture e kur poshtë saj u ndërtua baza ushtarake, shërbeu si magazinë.

Sot një monument kulture, ajo vizitohet nga shumë turistë që duan të njohin dhe prekin historinë.

Lexo: “Udhëtarët” në Gjirokastrën e kalldrëmeve plot histori dhe talent

Për të apasionuarit pas aventurës dhe që duan të eksplorojnë detin e Himarës, gjiri i Filikurit ofron qetësi, diell, e ngjyrat më të kristalta të detit dhe është plazhi më i afërt me Himarën.

Aty mund të shkoni me skaf për pesë minuta nga Himara, apo me kanoe ose në këmbë, për një orë.

Gjiri i Filikurit është ndryshe nga gjiret e tjerë të plazhit të Himarës, pasi nëse gërmoni aty, falë burimeve të brendshme ujore gjeni ujë të pijshëm.

Në këto temperatura të larta dhe pranë detit, “Udhëtarët” Loneta Progni dhe Renaldo Salianji nuk mund të largoheshin nga Himara, pa provuar koktejin me boronicë të përgatitur nga Vullnet Krasniqi. Profesioni i tij është gazetar, por gjatë verës i pëlqen të jetë pranë njerëzve dhe të përgatisë kokteje për t’i freskuar në këtë temperaturat e larta.

 

LEXONI GJITHASHTU:

Etiketimet

Presidentja e KE në Tiranë: Shqipëria ka bërë progres, BE duhet të bëjë të njëjtën gjë

Presidentja e Komisionit Evropian, Ursula von der Leyen ka nisur nga Tirana vizitën në vendet e rajonit. Presidentja e Komisionit Europian u prit me ceremoni...

Çështja ‘Tahiri’ shqyrtohet sot në Gjykatën e Lartë

Gjykata e Lartë shqyrton sot çështjen ndaj ish-ministrit të Brendshëm, Saimir Tahiri. Ky i fundit është paraqitur mëngjesin e sotëm në ambientet e kësaj gjykate. Saimir...

Këngëtari amerikan shpallet fajtor për abuzim seksual

Këngëtari amerikan R Kelly i njohur për hitin “I believe I can fly” është shpallur fajtor nga një gjykatë për abuzim seksual të grave...

Regjistrohu për të marrë NEWSLETTER