“Udhëtarët” eksplorojnë historinë dhe bukuritë e Borshit

KOMENTE

SHPERNDAJE
ARTIKULLIN

Text sizeAa Aa

I rrethuar nga ullishtat që pozicionohen natyrshëm me blunë e paqtë të detit, Borshi është një vend që të nxit ta vizitosh jo vetëm për detin, por dhe për historinë që shfaqet në çdo cep të tij. Pikërisht ky fshat është vizituar në serinë e radhës nga “Udhëtarët” Loneta Progni dhe Renaldo Salianji.

Borshi, i cili është vetëm 18 km larg Himarës, ka një vijë bregdetare prej 6 km.

Kalaja e Borshit, e cila është ndërtuar mbi rrënojat e qytetit antik, ndodhet vetëm 3 km në veriperëndim të Borshit. Ajo ngrihet mbi një kurriz të lartë malor dhe daton që në shekullin e V – IV të erës sonë, dhe që në krye të herës ka pasur një pozicion strategjik, duke qenë një urë lidhëse mes maleve Akrokeraune (Llogarasë) dhe detit.

Pozicioni i përshtatshëm gjeografik me ujërat e shumta dhe malet përreth, ka favorizuar banimin e kësaj treve që nga lashtësia. Pas ndërtimit ajo u prish në shekullin e V-VI të erës sonë, për t’u rindërtuar sërish në mesjetë.

Ndër vite, kalaja ka pasur pushtues të ndryshëm që nga osmanët e deri te Ali Pashë Tepelena, në shekullin e VIII. Fatkeqësia më e madh që i ndodhi kalasë, siç tregon kryeplaku i fshatit Ritvan Hajdini ishte pas çlirimit të Shqipërisë, ku iu morën gurët për të ndërtuar shtëpi nga banorët.

Brenda kalasë, ku dikur lulëzonte një qytet i tërë, sot duken vetëm rrënojat e mureve të vjetër dhe topat që përdoreshin për të goditur armiqtë. Duke parë nga lartësitë e kalasë, Borshi tregon bashkëjetesën e qetë mes valëve që përqafojnë bregun e detit e relievin kodrinor e malor, duke i dhënë një bukuri të rrallë këtij peizazhi.

Por Borshi ka dhe një kulinari të pasur, ku ndër pjatat më të veçanta është ‘fucka’, një ëmbëlsirë tradicionale e fshatit, e gatuar me miell, ujë dhe vezë, skuqet në fillim përbërja e përgatitur në flluska të vogla dhe pastaj kalojnë në sherbet. duke i dhënë një shije fantastike.

Por të pasionuarit pas aventurës, në Borsh kanë mundësinë që të zhvillojnë shëtitje me kuaj përgjatë fshatit dhe bregdetit.

 

LEXONI GJITHASHTU:

Etiketimet

‘Nuk shkëputemi dot nga puna dy herë në ditë’, prindërit ankohen për mësimin me turne

Më të vegjlit, ata që hyjnë në klasën e parë, mbajnë në dorë lule për mësuesen, ndërsa barrën e orareve të çrregullta e mbajnë...

Presidentja e KE në Tiranë: Shqipëria ka bërë progres, është koha që BE të bëjë të njëjtën gjë

Presidentja e Komisionit Evropian, Ursula von der Leyen ka nisur nga Tirana vizitën në vendet e rajonit. Presidentja e Komisionit Europian u prit me ceremoni...

Çështja ‘Tahiri’ shqyrtohet sot në Gjykatën e Lartë

Gjykata e Lartë shqyrton sot çështjen ndaj ish-ministrit të Brendshëm, Saimir Tahiri. Ky i fundit është paraqitur mëngjesin e sotëm në ambientet e kësaj gjykate. Saimir...

Regjistrohu për të marrë NEWSLETTER