Ministri serb Vulin nxit reagime në rajon me deklaratën për “botën serbe”

KOMENTE

SHPERNDAJE
ARTIKULLIN

Text sizeAa Aa

Deklarata e ministrit të Punëve të Brendshme të Serbisë, Aleksandar Vulin, se Ushtria e Serbisë duhet të ruajë serbët kudo ku jetojnë në vendet e rajonit, ka sjellë reagime të shumta në rajon.

Aleksandar Vulin tha se detyra e gjeneratës aktuale të politikanëve në Serbi është që “të krijojnë botën serbe dhe të bashkojnë serbët kudo që jetojnë ata”.

Nga zyra e presidentit të Kosovës, kanë theksuar se “diskursi kërcënues me “bashkimin e serbëve”, është tregues se Serbia nuk po arrin as sot e kësaj dite të shkëputet nga politika gjenocidale e regjimit të Milosheviqit.

Ministrja e Punëve të Jashtme të Bosnjës dhe Hercegovinës, Bisera Turkoviç, tha se ajo priste që presidenti i Serbisë, Aleksandar Vuçiç, të distancohej menjëherë nga deklaratat e ministrit Vulin, për bashkimin e “Botës serbe”.

Në qoftë se Vuçiç nuk e bën këtë, Turkoviç beson që kjo vetëm do të konfirmojë se politika zyrtare e tij dhe e Serbisë është përmbysja e Marrëveshjes së Paqes të Dejtonit dhe që synon të bashkojë me Serbisë pjesë të Bosnjë dhe Hercegovinës.

Deklarata të tilla, Vulin i ka bërë në shënimin e 13-vjetorit të subjektit politik që ai drejton, Lëvizjes Socialiste, në të cilën ceremoni ishte i pranishëm edhe presidenti i Serbisë, Aleksandar Vuçiç, si kryetar i Partisë Përparimtare serbe. Vuçiç jo vetëm nuk është distancuar nga deklarata te tilla, por e ka konsideruar atë si bashkëluftëtar për Serbinë e fortë, moderne dhe të lirë”.

 

LEXONI GJITHASHTU:

Etiketimet

Sopranoja Ermonela Jaho: Në momentin që nuk do kem emocione, do ta lë këtë zanat

“Në momentin që nuk do kem emocione unë do ta lë këtë zanat”. Kështu u shpreh për Euronews Albania, sopranoja e njohur Ermonela Jaho...

‘Grusht shteti brenda partisë’, Bejko dhe Bumçi përplasen për përjashtimin e Berishës

Anëtari i kryesisë dhe i Këshillit Kombëtar të PD-së, Aldo Bumçi dhe Roland Bejko debatuan në Euronews Albania sa i takon legjitimitetit të vendimit...

‘S’mund të jetojmë dot pa artin’, Ermonela Jaho tregon emocionet në Teatrin e Operas dhe Baletit

Sopranoja me famë botërore, Ermonela Jaho në një intervistë për Euronews Albania u shpreh se gjatë performancës së saj në Teatrin e Operas dhe...

Regjistrohu për të marrë NEWSLETTER