Kosova lehtëson masat anti-COVID, lejohen dasmat dhe hapen klubet e natës

KOMENTE

SHPERNDAJE
ARTIKULLIN

Text sizeAa Aa

Qeveria e Kosovës ka lehtësuar masat kufizuese anti-COVID, vendim ky, i cili është përshëndetur nga sektorët kryesorë në vend.

Me këtë vendim lejohet mbajtja e dasmave, fejesave, ahengjeve familjare dhe mbrëmjeve të maturës deri në orën 01:00.

Qeveria thotë se organizimi i tyre duhet të bëhet me kushtin që të shfrytëzohet vetëm 50 për qind e kapacitetit dhe të pranishëm të jenë jo më shumë se 300 persona.

Po ashtu është vendosur që klubet e natës të ushtrojnë veprimtarinë e tyre, ndërsa muzika do lejohet deri në orën 01:00.

Lehtësimet kanë prekur edhe sektorin e shërbimeve të gastronomisë. Subjekteve do t’u lejohet të punojnë deri në orën 23:00 të mbrëmjes, përveç të premtes dhe të shtunës, që do kenë leje të punojnë deri në orën 00:00.

Ministri i Shëndetësisë, Arben Vitia, u shpreh se lehtësimi i masave vjen pas uljes së rasteve pozitive dhe rekomandimit të IKSHPK-së.

“Nga të dhënat e fundit në raportet që vijnë nga Instituti Kombëtar i Shëndetësisë Publike gjendja epidemiologjike me COVID-19 në Republikën e Kosovës paraqitet e qëndrueshme. Në vazhdimin e uljes së numrit të rasteve pozitive dhe referuar rekomandimeve të IKSHPK propozojmë lehtësimin gradual të masave që mundësojnë një aktivitet të shtuar ekonomik, por njëkohësisht që synojnë kontrollimin e përhapjes së infeksionit. Lehtësimi i masave është bërë duke u kushtuar rëndësi parandalimit të përhapjes së infeksionit me COVID-19 dhe lehtësimin e funksionimit të disa aktiviteteve ekonomike, por duke pasur parasysh dhe prioritet ruajtjen e jetës dhe shëndetit publik”, tha Vitia.

Ministri Vitia deklaroi se masat e përcaktuara dhe afatet kohore shërbejnë që situata epidemiologjike të mbahet nën kontroll.

Etiketimet

Përfundon misioni ‘Inspiration 4’, rikthehet nga hapësira ekuipazhi i parë i civilëve

Ekuipazhi me civilë i “SpaceX” është rikthyer me sukses në Tokë pas tre ditëve udhëtim në hapësirë. Ekipi i “Inspiration 4” u ul në ujërat...

Rusët zgjedhin sërish Putin, kritika për votim të detyruar dhe mbushje të kutive të votimit

Partia në pushtet ‘Rusia e Bashkuar’ ka festuar fitoren në zgjedhjet parlamentare. “Sot,  përfunduan zgjedhjet për parlamentin. Zgjedhje shumë të rëndësishme që do të përcaktojnë...

Gjermania drejt zgjedhjeve, tre kandidatët për kancelarë përballen në debatin e fundit televiziv

Përpara zgjedhjeve të 26 shtatorit, tre kandidatët që synojnë të pasojnë kancelaren Angela Merkel u përballën në debatin e tretë dhe të fundit televiziv....

Regjistrohu për të marrë NEWSLETTER