Dakordësi për “shtetësinë”, Zoran Zaev bind opozitën shqiptare në RMV

KOMENTE

SHPERNDAJE
ARTIKULLIN

Text sizeAa Aa

Pas negociatave me kryeministrin Zaev mbi Ligjin për Shtetësinë, opozita shqiptare ka tërhequr amendamentet ndaj pakos së pestë ekonomike në Kuvend.

Aleanca për Shqiptarët dhe Alternativa kishin bllokuar ligje të ndryshme në procedurë parlamentare duke parashtruar mijëra amendamente, si kundërpërgjigje ndaj bllokimit të Ligjit për Shtetësinë.

Megjithatë, në takimin e fundit mes krerëve të opozitës shqiptare dhe kryeministrit Zaev u arrit përparim, i cili duhet të finalizohet me marrëveshje për ligj të ri ditëve në vijim.

Deputeti i koalicionit shqiptar të opozitës, Elmi Aziri, tha për Euronews Albania se opozita nuk e kishte qëllim të bllokonte parlamentin dhe për këtë ka vendosur të tërheqë amendamentet e depozituara kundër pakos së pestë ekonomike për anti-covid.

“Kundërshtitë nuk ishin vetëm të mazhorancës, por edhe të opozitës maqedonase. Opozita maqedonase i tërhoqi amendamentet dhe ne kemi konfirmuar më herët  se nuk jemi për bllokim, bllokimi i parlamentit nuk është si shkak, por si pasojë. Ne në shenjë të vullnetit të mirë i tërhoqëm amendamentet, të cilat i patëm dorëzuar si shenjë bllokade për masat e pakos së pestë ekonomike anti-Covid”, tha ai.

Ai beson se deri në fund të javës do të hartohen draftet në lidhje me këtë problematikë

“Ditëve në vazhdim priten të takohen komisionet e opozitës shqiptare dhe të ekspertëve të qeverisë për t’i harmunizuar argumentet dhe presim që deri në fund të javës të kemi një draft sa i takon kësaj problematike”, shtoi ai.

 

Etiketimet

Trembëdhjetë të vdekur nga COVID-19 në Maqedoninë e Veriut

Në Maqedoninë e Veriut në orët e fundit kanë humbur jetën 13 persona si pasojë e infektimit nga epidemia e COVID-19. Ministria e shëndetësisë ka...

Rënie e theksuar e vdekjeve dhe infektimeve me COVID-19 pas vaksinimit, sipas studimit italian

Rastet e reja me COVID-19 tek të gjitha grup moshat kanë rënë me 80 për qind vetëm pesë javë pas dozës së parë të...

Rritet çmimi i karburanteve, nafta dhe benzina 5 lekë më shtrenjtë në tregun e pakicës

Në pikat e furnizimit me pakicë të karburanteve, këtë fundjavë është vënë re rritje të çmimit të naftës dhe benzinës. Nëse në fillim të javës...

Regjistrohu për të marrë NEWSLETTER