DEA në terren, policë të RMV të përfshirë në trafikun e drogës, zv.ministri i Brendshëm pranon lidhjet

KOMENTE

SHPERNDAJE
ARTIKULLIN

Text sizeAa Aa

Disa aksione anti-drogë në Maqedoninë e Veriut kanë nxjerrë në pah lidhjet mes narko-trafikantëve dhe pjesëtarëve të policisë.

Në fillim të prillit u arrestuan 9 efektivë policie, për shkak se kishin dhënë pasaporta të falsifikuara për 215 bosë droge nga rajoni dhe më gjerë. Në një aksion tjetër, koordinuar nga policia amerikane anti-drogë DEA, kryeshefi i policisë së qytetit të Prilepit u kap me 200 kilogramë kanabis.

Nga ana tjetër, zv/ministri i brendshëm, Nazim Bushi thotë për Euronews Albania se policia ka kapacitet për të luftuar betejën kundër trafikut të drogës.

“Kapacitetet e Ministrisë së Brendshme janë të fuqishme dhe të afta për këtë punë, por autoritetet e jashtme si DEA janë përfshirë në këto raste pasi që kemi pasur indikacione se edhe grupe rajonale kanë qenë të kyçura në këtë kontrabandë me drogë”, thotë Nazim Bushi, zv.ministër i Brendshëm.

Përfshirja e nëpunësve policorë në rrjetet e krimit jo vetëm që e vështirëson punën e policisë me sabotime të ndryshme, por edhe dëmton imazhin para qytetarëve.

Maqedonia e Veriut ka legalizuar kultivimin e kanabisit për qëllime mjekësore, por edhe këto licenca po keqpërdoren.

“Është vërtetuar edhe nga Ministria e Bujqësisë edhe nga ajo e Shëndetësisë edhe nga Ministria e Brendshme, se ka keqpërdorime të licencave për kultivimin e kanabisit, fabrikave që merren me kultivimin e marijuanës. Kontrollin e tyre duhet ta bëjnë Ministria e Bujqësisë dhe Shëndetësisë. Ministria e Brendshme këtu nuk ka qasje. Kohëve të fundit bëhet fjalë për tre ose katër kompani që kanë keqpërdorur licencën”, thotë ministri.

Ndërkohë, opozita në Maqedoninë e Veriut ka akuzuar disa herë pushtetin se është bërë mburojë e narko-bizneseve kriminale, me qëllim përfitime personale për pushtetarët, akuza të cilat mohohen nga qeveria.

 

Etiketimet

Piktura e artistit spanjoll Pablo Picasso shitet në ankand për 103.4 mln dollarë

Një pikturë e realizuar nga Pablo Picasso u shit për 103.4 milionë dollarë gjatë një ankandi të zhvilluar në New York duke thyer të...

Trembëdhjetë të vdekur nga COVID-19 në Maqedoninë e Veriut

Në Maqedoninë e Veriut në orët e fundit kanë humbur jetën 13 persona si pasojë e infektimit nga epidemia e COVID-19. Ministria e shëndetësisë ka...

Rënie e theksuar e vdekjeve dhe infektimeve me COVID-19 pas vaksinimit, sipas studimit italian

Rastet e reja me COVID-19 tek të gjitha grup moshat kanë rënë me 80 për qind vetëm pesë javë pas dozës së parë të...

Regjistrohu për të marrë NEWSLETTER