Sport

Tirana marrëveshje me tatimet, Presidenti Halili: Klubi do të licencohet për kupat e Evropës

Përditësimi i fundit: 14/05/2020 - 12:04
Text size Aa Aa

Kryesuesit e Superligës nuk rrezikojnë licencimin për në Kupat e Evropës. Diçka të tillë e ka deklaruar Presidenti i Tiranës Refik Halili, i cili tregoi se është arritur marrëveshja me tatimet.

Tirana nuk rrezikon licencimin për në Kupat e Evropës. Detyrimet e prapambetura kanë ngritur pikëpyetje nëse 24-herë kampionët do të kenë mundësi për të luajtur në arenën ndërkombëtare, por Presidenti Refik Halili tregon se klubi i tij i ka plotësuar të gjitha kriteret e licencimit. 

“Tre kriteret që ka Federata Shqiptare e Futbollit dhe UEFA ne i kemi plotësuar, kështu që si dokumentacion është totalisht. Nëse ka ndonjë gjë që mungon, kemi kohë ta plotësojmë,” – u shpreh Halili.

Kriteri financiar është ai më i rëndësishmi, por në këtë pikë, numri një i klubit bardheblu zbulon se është arritur marrëveshja me tatimet.

“Marrëveshjen e kemi realizuar me tatimet, që janë shumë të rëndësishëm me rregullat që ka UEFA,” – tha Presidenti i Klubit të Futbollit Tirana.

Kur duhen dhe 10 javë deri nga përfundimi i sezonit, Tirana ka mbledhur 53 pikë. Ata kryesojnë kampionatin me 9 pikë avantazh nga vendi i dytë dhe me shumë gjasa do të sigurojnë një nga vendet që çon në kualifikueset e kupave të Evropës.

Lexoni gjithashtu:

FSHF mbledh presidentët e klubeve, vendoset data për rinisjen e kampionatit

Nuk u përfshinë në paketat ekonomike të qeverisë, Sindikata ndihmon futbollistët në nevojë

Tregime të lidhura