Sport

Ndryshimi i përkohshëm i rregullores, FSHF do të aplikojë sistemin me 5 zëvendësime

Përditësimi i fundit: 15/05/2020 - 10:39
Text size Aa Aa

Rinisja e futbollit në Shqipëri pritet të bëhet me një rregullore të re të përkohshme, të cilën Federata Shqiptare e Futbollit e ka miratuar.

Rregullorja parashikon rritjen e numrit të zëvendësimeve nga 3 që është aktualisht në 5 dhe është propozuar nga FIFA.

Në rastin kur ndeshja shkon në shtesë  atëherë një zëvendësim i gjashtë do të lejohet.

Për të mos humbur kohë, zëvendësimet do bëhen në tre intervale të ndryshme gjatë lojës ose në pushim të ndeshjes.

Masa në fjalë u vjen në ndihmë futbollistëve, të cilët dy muajt e fundit e kanë pasur të pamundur qoftë edhe të stërviten normalisht.

Gjendja joepërshtatshme fizike mund të sjellë dëmtime të ndryshme, të cilat për Euronews Albania i ka vënë në dukje edhe Kryetari i Shoqatës së Futbollistëve Profesionistë të Shqipërisë, Andi Lila.

Prej 9 marsit futbolli në Shqipëri është ndalur, ndërsa së fundmi FSHF ka propozuar që më 3 qershor të rinisin aktivitetet.

 

Lexoni gjithashtu:

FSHF mbledh presidentët e klubeve, vendoset data për rinisjen e kampionatit

Nuk u përfshinë në paketat ekonomike të qeverisë, Sindikata ndihmon futbollistët në nevojë

Tregime të lidhura