Serie-A, Benevento mund Juventusin, Milani Fiorentinën

KOMENTE

SHPERNDAJE
ARTIKULLIN

Text sizeAa Aa

Në kampionatin italian të futbollit Juventus zhgënjeu të dielën duke humbur në shtëpi përballë Beneventos, ndërsa Milani fitoi me përmbysje ndaj Fiorentinës.

Në Torino skuadra e Andrea Pirlos ishte me dyshen Ronaldo-Morata në sulm, megjithatë nuk ia doli të tejkalonte portierin e Beneventos Lorenzo Montipo.

Argjentinasi Adolfo Gaich realizoi në minutën e 69-të golin për miqtë me të vetmen goditje që ata bënë drejt portës së bardhezinjve. Pas golit, trajneri Filippo Inzaghi kreu disa zëvendësime dhe ia doli ta mbajë rezultatin e pandryshuar deri në fund.

Benevento bëhet kështu e para skuadër në Serie-A që i merr pikë në dy ndeshjet direkte të një sezoni Juventusit – ndeshja e 28 nëntorit pati përfunduar 1-1.

Në ndeshjen tjetër Milani i Stefano Piolit ia doli të fitojë 3-2 ndaj Fiorentinës në Firenze. Në fillim Zlatan Ibrahimovic realizoi për kuqezinjtë, por më pas Erick Pulgar barazoi.

Në pjesën e dytë Franck Ribery përmbysi përkohësisht rezultatin në 2-1, mirëpo më pas Brahim Diaz dhe Hakan Calhanoglu kthyen sërish Milanin në avantazh me rezultatin 3-2 që kësaj here nuk ndryshoi.

Në ndeshjet e tjera, Atalanta fitoi 2-0 ndaj Veronës, Sampdoria mundi 1-0 Torinon, ndërsa Lazio po 1-0 Udinesen.

Kampionati italian kryesohet nga Interi me 65 pikë, më pas vijnë Milani me 59, Juventus me 55 dhe Atalanta me 55.

Etiketimet

Rama: Kemi siguruar mbi 1 milion vaksina kundër COVID-19

Në aeroportin “Nënë Tereza” kanë mbërritur sot 11 700 vaksina kundër COVID-19 të kompanisë Pfizer. Kryeministri Edi Rama shprehet se bashkë me këto doza deri...

Belind Këlliçi në “Raw Politics”: PD-ja do të hapet ndaj figurave të reja

Muajt e verës i gjejnë demokratët në një analizë të thelluar brenda vetes për rezultatin e zgjedhjeve parlamentare të 25 prillit. Deputeti i zgjedhur i Partisë...

Këlliçi: Basha s’garoi i vetëm, drejtuesit politikë dhe kandidatët aksionerë të rezultatit të 25 prillit

Partia Demokratike do të zhvillojë brenda strukturave të saj analizën për rezultatin e arritur në zgjedhjet e 25 prillit. Kandidati i fitues për deputet, Belind...

Regjistrohu për të marrë NEWSLETTER