Champions League, PSG mposht 3-2 Bayernin në shtëpi, Chelsea 2-0 Porton

KOMENTE

SHPERNDAJE
ARTIKULLIN

Text sizeAa Aa

Me një performancë të shkëlqyer Kylian Mbappe udhëhoqi Paris Saint-Germain drejt një fitore shpresëdhënëse 3-2 ndaj Bayern Munich, ndërsa Chelsea mori një rezultat të pastër 2-0 ndaj Portos.

Në ndeshjet e para çerekfinaliste të UEFA Champions League, skuadrat pritëse pësuan humbje duke e vënë goxha në mëdyshje kualifikimin për më tej.

Në Allianz Arena, kampionët në fuqi u shtangën nga dy gola të shpejtë të PSG-së, që erdhën nga Mbappe dhe Marquinhos, që të dy të asistuar nga Neymar. Për Bayern Choupo-Moting shkurtoi diferencat në minutën e 37-të ndërsa në minutën e 60-të, Muller barazoi rezultatin në 2-2.

Sidoqoftë shpresat për një përmbysje i hodhi poshtë francezi Mbappe, i cili realizoi golin e tretë për PSG-në. Kjo fitore e francezëve ngushëllon disi kujtimin e finales së humbur vitin e shkuar.

Paralelisht në Portugali, Chelsea fitoi 2-0 ndeshjen e parë kundër Portos, ku Mason Mount dhe Ben Chilwell ishin autorët e golave. Ky rezultat i jep skuadrës qetësi pas problemeve që u nxorën në pah prej zënkës mes mbrojtësit Rudiger dhe portierit Arrizabalaga.

Ndeshjet e kthimit pritet të luhen më 13 prill. Në ndeshjet e së martës Real Madrid fitoi 3-1 ndaj Liverpoolit ndërsa Manchester City 2-1 ndaj Dortmundit.

Etiketimet

Rënie e theksuar e vdekjeve dhe infektimeve me COVID-19 pas vaksinimit, sipas studimit italian

Rastet e reja me COVID-19 tek të gjitha grup moshat kanë rënë me 80 për qind vetëm pesë javë pas dozës së parë të...

Rritet çmimi i karburanteve, nafta dhe benzina 5 lekë më shtrenjtë në tregun e pakicës

Në pikat e furnizimit me pakicë të karburanteve, këtë fundjavë është vënë re rritje të çmimit të naftës dhe benzinës. Nëse në fillim të javës...

Nuk ndalen sulmet në Gaza, goditen zyrat e mediave Associated Press dhe Al Jazeera

Nuk kanë të ndalur sulmet dhe kundërsulmet mes Izraelit dhe grupit Hamas, ku orë pas ore raportohet për jetë të humbura mes civilëve. Një ndërtesë...

Regjistrohu për të marrë NEWSLETTER