Futbolli për vajza, Suedia mund SHBA-në, humbja e parë pas 44 ndeshjesh për kampionet e botës

KOMENTE

SHPERNDAJE
ARTIKULLIN

Text sizeAa Aa

Përfaqësuesja suedeze e futbollit të vajzave ia doli të ndalë sot katër herë kampionet e botës, SHBA-në.

Suedia fitoi 3-0 përballjen e vlefshme për Lojërat Olimpike, duke ndalur një ecuri mbresëlënëse të vajzave amerikane prej 44 ndeshjesh pa humbje.

Nga Suedia realizoi dy herë Stina Blackstenius dhe bashkë me të shënoi edhe Lina Hurtig.

SHBA nuk humbiste një ndeshje prej 19 janarit 2019 kur qe mundur nga vajzat e Francës 3-1 në një ndeshje miqësore.

Pesë vite më parë, në Lojërat Olimpike të Brazilit (2016), Suedia e eliminoi SHBA-në në çerekfinale. Vajzat suedeze më pas morën medalje bronzi pasi e humbën finalen me Gjermaninë 2-1.

Prej futjes si sport në Lojërat Olimpike në vitin 1996, përfaqësuesja e vajzave të SHBA-së ka fituar katër herë medalje ari në futboll – Norvegjia dhe Gjermania nga një herë.

Nga ndeshjet e tjera Britania e Madhe fitoi 2-0 ndaj Kilit, Japonia barazoi 1-1 me Kanadanë, ndërsa Brazili fitoi 5-0 ndaj Kinës.

Në këtë ndeshje vajzat Marta da Silva dhe Formiga Mota shkruan emrin në histori pasi e para u bë golshënuesja e vetme në të paktën 5 olimpiada, ndërsa e dyta e vetmja futbolliste që ka luajtur në të shtata olimpiadat që janë zhvilluar deri më sot.

LEXONI GJITHASHTU:

Etiketimet

“Conference League”, Laçi e Prishtina kalojnë në fazën e tretë, eliminohen Partizani dhe Drita

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan. Prishtina e siguroi...

Kalon ligji për shtetësi në RMV, iniciativë e partive shqiptare

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet...

Armando Subashi mohon që deklarimet e Petro Koçit të jenë akuza ndaj tij

Akuzave të deputetit të zgjedhur të Partisë Socialiste, Petro Koçi për tenderët në bashkinë e Fierit, u është përgjigjur herë të parë kryetari i...














Regjistrohu për të marrë NEWSLETTER