“Conference League”, Laçi e Prishtina kalojnë në fazën e tretë, eliminohen Partizani dhe Drita

KOMENTE

SHPERNDAJE
ARTIKULLIN

Text sizeAa Aa

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan.

Prishtina e siguroi kualifikimin edhe pse humbi 4-2 ndaj uellsianëve të Connahs. Bardhekaltërit e Kosovës kishin fituar ndeshjen e parë 4-1 dhe në turin tjetër luajnë përballë norvegjezëve të Bodo/Glimt.

Në ndeshjen tjetër Laçi rezistoi deri në fund përballë rumunëve të Universita Craiova duke u kualifikuar pavarësisht rezultatit 0-0. Bardhezinjtë e trajnerit Shpëtim Duro e patën fituar 1-0 ndeshjen e parë të luajtur në Shqipëri dhe në fazën tjetër luajnë përballë Anderlechtit.

Partizani nuk ia doli të shënonte qoftë dhe një gol në ndeshjen e kthimit kundër Bazelit, e vlefshme për kualifikueset e “Conference League”.

Skuadra e trajnerit Ilir Daja humbi 2-0 në “Elbasan Arena” dhe me rezultatin e përgjithshëm 5-0 eliminohet nga kualifikueset për në kupat e Evropës.

Golat për nën-kampionët e Zvicrës i realizuan Valentin Stocker dhe Arthur Cabral.

Edhe Drita e Kosovës u eliminua nga Feyenoord në Holandë, mirëpo këta ishin në avantazh 2-1 në pjesën e parë dhe ëndërruan për një kualifikim të beftë deri sa skuadra vendase përmbysi gjithçka në 3-2 falë 23-vjeçarit Guus Til, i cili realizoi tregolësh.

Laçi e Prishtina i bashkohen Teutës, e cila u kualifikua të mërkurën. Durrsakët do të luajnë përballë irlandezëve të Shamrock Rovers.

Ndeshjet e para luhen më 5 gusht dhe të kthimit një javë më vonë më datë 12.

LEXONI GJITHASHTU:

Etiketimet

Ulen tensionet Paris-Uashington, Franca rikthen ambasadorin

Presidenti i Francës, Emmanuel Macron do të rikthejë javën e ardhshme ambasadorin francez në Shtetet e Bashkuara. Vendimi u mor pas një bisede telefonike të...

Reciprociteti për targat serbe, profesori: Dy mesazhet që Kosova i përcolli Brukselit

Aplikimi i reciprocitetit të Kosovës për targat e automjeteve serbe ka prodhuar debate mes Prishtinës dhe Beogradit si dhe ka nxitur reagime nga Brukseli. Blerim...

Çollaku: Rama e ka masakruar Kosovën. Vodo: Ka promovuar interesat e Shqipërisë

Deputeti i Partisë Demokratike, Kreshnik Çollaku dhe ekspertja e gjeopolitikës, Teuta Vodo janë përplasur mbi idenë e “Open Balkan”. Sipas Çollakut, Rama e ka dëmtuar...

Regjistrohu për të marrë NEWSLETTER