PSG ka bërë të ditur se Lionel Messi bashkë me tre lojtarë të tjerë kanë rezultuar pozitivë me COVID-19.

Lajmi ka ardhur pasi Messi është rikthyer nga Argjentina, ku kaloi festat e fund vitit bashkë me familjen.

Trajneri Mauricio Pochettino do të luajë pa Messin në ndeshjen e Kupës së Francës të hënën.

Gjithashtu argjentinasi mund të mungojë dhe ndaj Lionit, ndeshje e vlefshme për kampionat që do të luhet më 9 janar.

Nga ana tjetër, Neymar do të vazhdojë rikuperimin nga dëmtimi në Brazil dhe pritet të rikthehet më 9 janar në Paris.

Tre lojtarët e tjerë të PSG që kanë rezultuar me COVID-19 janë Juan Bernat, Sergio Rico dhe Nathan Bitumazala.