Kryeministri Edi Rama tha para gazetarëve se amnistinë penale do e votojnë të gjithë në Kuvend. Ai tha se votimi i projektligjit do të bëhet siç është bërë gjithnjë pa ndarje partiake.
“Duhet t’i referoheni një deklaratë të Ministrit të Drejtësisë. Amnistia është në tryezën e Kuvendit dhe atë do ta votojnë të gjithë. Nuk kanë ku shkojnë pa e votuar.
Nuk është puna se do të votojnë për PS, por për një akt historikisht që parlamenti e ka bërë pa ndarje partiake. Është akt që siç bëjnë të gjitha vendet e civilizuara që shteti të ushtrojë detyrimin kushtetues të lehtësimit të barrës së dënimit për ata që e përfitojnë”,-tha kryeministri Rama.