English

SHBA: Është vrarë udhëheqësi i lartë ushtarak të Hamasit, Marwan Issa

KOMENTE

SHPERNDAJE
ARTIKULLIN

Text sizeAa Aa

Udhëheqësi i Hamasit, Marwan Issa, vdiq në një sulm ajror izraelit, tha zyrtari i Shtëpisë së Bardhë, Jake Sullivan.

- Advertisement -

Sipas mediave të huaja, si zëvendës komandant ushtarak, Issa do të ishte udhëheqësi më i lartë i Hamasit që ka vdekur që nga fillimi i luftës më 7 tetor.

Grupi palestinez, i cili kontrollon Gazën, nuk i ka komentuar zyrtarisht raportet për vdekjen e tij.

Sekretari amerikan i shtetit Antony Blinken do të udhëtojë në Lindjen e Mesme këtë javë në vizitën e tij të gjashtë në rajon që nga shpërthimi i konfliktit në Gaza.

Ai do të mbajë takime në Arabinë Saudite dhe Egjipt për të diskutuar përpjekjet ndërkombëtare për të arritur një marrëveshje armëpushimi që siguron lirimin e të gjithë pengjeve të mbetura.

Negociatat kanë vazhduar këtë javë në Katar, pavarësisht se Izraeli ka njoftuar planet për të zhvendosur më shumë se një milion njerëz nga qyteti i Rafah, përpara se të nisë një ofensivë.

Në bisedën e tyre të parë pas një muaji, presidenti amerikan Joe Biden i tha kryeministrit izraelit Benjamin Netanyahu se ky do të ishte një “gabim”.

Burimet e mediave izraelite kanë raportuar se Issa u vra në një sulm ajror izraelit që synoi një kompleks tuneli nën kampin e refugjatëve Nuseirat në Gaza qëndrore një javë më parë.

Zëvendëskomandanti i krahut ushtarak të Hamasit, Brigadat Izzedine al-Qassam, konsiderohej një nga njerëzit më të kërkuar të Izraelit.

Bashkimi Evropian, i cili e vendosi liderin e Hamasit në listën e tij të zezë terroriste, e lidhi atë drejtpërdrejt me sulmin e 7 tetorit të udhëhequr nga grupi që vrau afërsisht 1200 njerëz dhe ndezi luftën.

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Kush mendoni se mund ta marrë drejtimin e Rithemelimit nëse Berishës i caktohet masa “Arrest në shtëpi”?
×