Debate për drejtuesin e SPAK-ut, Kraja hetues para demokracisë, por jo pjesë e ish-Sigurimit

KOMENTE

SHPERNDAJE
ARTIKULLIN

Text sizeAa Aa

Ditën që mori drejtimin e Prokurorisë së Posaçme Antikorrupsion, Arben Kraja u përfol si pjesë e ish-sigurimit të shtetit. Ish-drejtuesi i Insitutit për Studimet e Krimeve dhe Pasojave të Komunizmit, Agron Tufa publikoi në rrjetet sociale një vendim të dhënë nga Arben Kraja në korrik të vitit 1990 ndaj një shtetasi, nën argumentin se ka kaluar kufirin në mënyrë të paligjshme.

Pas publikimit të këtij procesverbali, Euronews Albania u interesua pranë Autoritetit të Dosjeve nga ku mori edhe vendimin e këtij insititucioni gjatë verifikimit të figurës së prokurorit Arben Kraja në momentin ku ky i fundit kandidoi si prokuror i SPAK.

Dokumentet tregojnë se vendimi i Autoritetit të Dosjeve ishte unanim ku theksonin se Arben Kraja nuk përfshihej në kushtet e ndalimit të ushtrimit të funksionit pasi në vitin 1990, ai ka qenë pjesë e hetuesisë dhe jo e Sigurimit të Shtetit.

Madje anëtari i autoritetit të dosjeve, Merenglen Kasmi e argumentoi më tej këtë vendim. Ai ka mbajtur një qëndrim paralel me anëtarët e tjerë ku ka argumentuar se detyra e institucionit është që të vërejë nëse një funksionar publik ka qenë pjesë e strukturave të ish-sigurimit të shtetit.

“Sa më sipër, ndaj qëndrimin se, informimi i Këshillit të Lartë të Prokurorisë për veprimtarinë e z. Kraja si hetues në vitin 1990 në pjesën argumentuese të vendimit, ndonëse nuk e implikon aspak atë, është i panevojshëm dhe jashtë fushës së veprimit të Autoritetit. Autoriteti për Informimin mbi Dokumentet e ish-Sigurimit të Shtetit nuk është biografi-bërës i zyrtarit që verifikohet, por shprehet vetëm për pjesën që i takon, sipas ligjit që ai vepron”, – tha Kasmi.

Arben Kraja u zgjodh drejtues i SPAK-ut ditën që të tetë anëtarët u betuan pranë Presidentit të Republikës dhe dje zhvilloi ditën e parë të punës si drejtues i Prokurorisë së Posaçme Anti-Korrupsion.


Etiketimet

Hetimet për 21 janarin, vetëm në letër

Policia e shtetit ka kërkuar rihapjen e hetimeve të 21 janarit, si sot 1 vit më parë. Nëpërmjet një shkresë zyrtare, janë renditur 7...

Protesta që përfundoi me vrasjen e 4-fishtë në Bulevard

Si sot 11 vjet më parë, një protestë e organizuar kundër qeverisë së atëhershme të Sali Berishës, u kthye në demonstratë të dhunshme. Ziver Veizi,...

Meta akuzon Bashën që shiti zgjedhjet e 25 prillit

Ilir Meta akuzoi Lulzim Bashën se ka shitur zgjedhjet e 25 prillit, ditën e sotme. Akuzën e bëri në faqen e tij zyrtare në Facebook,...

Regjistrohu për të marrë NEWSLETTER