23 kandidatë për kreun e BKH-së, ambasadorja Yuri Kim pret drejtuesin e SPAK

KOMENTE

SHPERNDAJE
ARTIKULLIN

Text sizeAa Aa

Kreu i Strukturës së Posaçme Antikorrupsion, SPAK, Arben Kraja e nisi punën me një takim me ambasadoren amerikane në Tiranë Yuri Kim.  Në një pjesë të takimit që zgjati rreth 1 orë ishin të pranishëm edhe prokurorët e tjerë të SPAK dhe kundër krimit të organizuar.

“Takimi i sotëm i ambasadores së Shteteve të Bashkuara, Yuri Kim me prokurorët e Zyrës së Prokurorisë së Posaçme ofroi një mundësi të shkëlqyer për të shkëmbyer pikëpamjet mbi ndihmën e vazhdueshme teknike të Shteteve të Bashkuara, ndërsa ata përballen me krimin e organizuar dhe hedhin hapat e para për të themeluar Byronë Kombëtare të Hetimit”, – thuhej në njoftimin e ambasadës amerikane në Facebook.

Kjo e enjte është një ditë e rëndësishme edhe për Byronë Kombëtare të Hetimit, e thënë ndryshe policia gjyqësore e SPAK, pasi sot mbyllet afati i aplikimeve për drejtuesin e saj.

Sipas burimeve, deri në mesditë janë administruar 23 aplikime, ku bie në sy emri i drejtorit aktual të policisë së kufirit dhe migracionit Eduart Merkaj i cili gjatë viteve të fundit ka mbajtur edhe poste të tjera të larta në hierarkinë e uniformave blu.

Surprizë mund të cilësohet edhe kandidimi i disa ish-oficerëve të lartë policie ndër vite, mes tyre edhe Urim Rexhepi. Më herët kanë aplikuar edhe zv/drejtori i Shërbimit të Kontrollit të Brendshëm në polici, Adriatik Ago dhe Artan Shkëmbi, drejtor hetimi në task forcën qendrore.

Shumë aplikime kanë ardhur edhe nga juristë e avokatë që jetojnë jashtë Shqipërisë, ndërsa një komision i përbërë nga prokurorë të SPAK do të përzgjedhë kandidatin më të mirë i cili duhet të kalojë disa teste dhe do t’i nënshtrohet verifikimit të thelluar të pasurisë dhe integritetit.


Etiketimet

Kompanitë ajrore paralajmërojnë probleme me fluturimet prej teknologjisë 5G

Kalimi i shërbimeve të telefonave në teknologjinë 5G do të shkaktojë probleme të mëdha me fluturimet. 10 kompanitë më të mëdha ajrore në SHBA e...

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Regjistrohu për të marrë NEWSLETTER