PD denoncon emërimin e ri për bashkëshorten e zv.kryetarit të KQZ

KOMENTE

SHPERNDAJE
ARTIKULLIN

Text sizeAa Aa

Në mbledhjen e saj të fundit qeveria emëroi, Elona Kanën si anëtare Komisionit Kombëtar Rregullator të Sektorit të Furnizimit me Ujë dhe Largimit e Përpunimit të Ujërave të Ndotura. Kjo VKM e publikuar në faqen zyrtare të Kryeministrisë shërbeu edhe si shkak që Partia Demokratike t’i drejtohej kryeministrit me akuzën e radhës.

Ish-deputeti, Klevis Balliu në një deklaratë për mediat nga selia blu theksoi se, Edi Rama po mbron njerëzit që nuk kanë kaluar dot procesin e vetingut, pasi Elona Kana, e cila është edhe bashkëshortja e Denar Bibës, anëtarit të PSKQZ, dha dorëheqjen nga detyra e saj si këshilltare ligjore pranë Gjykatës së Lartë pak ditë përpara se sa të dilte vendimit për të, duke pezulluar procesin.

“Këshilltarja e Gjykatës së Lartë, Elona Kana, u tërhoq nga sistemi i drejtësisë pak para daljes së vendimit të vetingut, sepse nuk justifikonte dot pasuritë e saj dhe të shërbëtorit të Ramës në Komisionin Qendror të Zgjedhjeve. Por me një vendim qeverie këtë javë, Edi Rama e ka emëruar bashkëshorten e Denar Bibës në një post në Entin Rregullator të Ujit”, u shpreh z. Balliu.

Ky vendim i Këshilli të Ministrave për Partinë Demokratike është dëshmi se lufta kundër anëtarëve të drejtësisë që nuk kanë kaluar vetingun është vetëm propagandë. “Lufta kundër korrupsionit në dorën e Edi Ramës është vetëm propagandë. Ai ndryshe flet dhe ndryshe vepron. Edi Rama flet për luftë kundër bandës KÇK në drejtësi, por ata që nuk kalojnë vetingu, i emëron në detyra të tjera shtetërore”, shtoi ai.

Elona Kana në tetorin e vitit 2019 dha dorëheqjen si këshilltare pranë Gjykatës së Lartë duke ndërprerë procesin e Vetingut. Enti Rregullator i Sektorit të Furnizimit me Ujë dhe Largimit e Përpunimit të Ujërave të Ndotura është institucion publik i pavarur dhe është drejtpërdrejt përgjegjës ndaj Këshillit të Ministrave dhe Kuvendit të Shqipërisë.


Etiketimet

Kompanitë ajrore paralajmërojnë probleme me fluturimet prej teknologjisë 5G

Kalimi i shërbimeve të telefonave në teknologjinë 5G do të shkaktojë probleme të mëdha me fluturimet. 10 kompanitë më të mëdha ajrore në SHBA e...

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Regjistrohu për të marrë NEWSLETTER