Mbi 1 mijë studiues dhe shkencëtarë nga e gjithë bota, peticion për mbrojtjen e Vjosës

KOMENTE

SHPERNDAJE
ARTIKULLIN

Text sizeAa Aa

Një komunitet i gjerë shkencëtarësh nga e gjithë bota, të angazhuar në mbrojtjen e lumenjve të egër, kanë përpiluar një peticion drejtuar qeverisë shqiptare për ta bindur atë të ndërpresë projektet për ndërtime digash apo hidrocentralesh mbi lumin Vjosë.

Lumi i Vjosës që rrjedh nga Greqia nëpër Shqipëri deri në grykëderdhjen në bregdet konsiderohet lumi i fundit i egër në Evropë, për shkak se gjatë shtratit të tij nuk janë ndërtuar deri tani ujëmbledhës apo pengesa të tjera nga dora e njeriut.

Peticioni është nënshkruar nga mbi 780 studiues dhe shkencëtarë nga 46 vende të ndryshme të botës.

Profesor Aleko Miho, një nga iniciatorët dhe përkrahësit e këtij peticioni për mbrojtjen e Vjosës, shprehet se, peticioni i drejtohet Kryeministrit dhe Ministrisë së Mjedisit dhe asaj të Energjetikës.

“Jo për Shqipërinë, por është një nga peticionet më të mëdha në botë për mbrojtjen e mjedisit. Lumjetë tanë janë të veçantë në përgjithësi, sepse i përkasin një zone mesdhetare, një mjedisi që ka strehuar në vite një botë të pasur të gjallë. Një pjesë e mirë e lumenjve tanë sot janë të ndarë me diga, tunele, dhe ka plane të tjera në vazhdim për t’i shfrytëzuar për energji.

Ndërsa Vjosa ka mbetur ende me një rrjedhë të lirë deri në deltën e tij ku shkarkohet. Jo vetëm për Shqipërinë, por është i vetmi në Evropë që ka mbetur. Kjo është arsye që  ka një interes kaq të madh për ta mbrojtur”, shprehet z. Miho.

Mes reagimeve të shumta në botë për mbrojtjen e Vjosës, është dhe aktori fitues i çmimit Oscar, Leonardo Di Caprio. Përmes një postimi në rrjetet sociale, Di Caprio bënte thirrje që të mos dëmtohet ekositemi me ndërtimin e hidrocentraleve në këtë lumë.


Etiketimet

Protesta që përfundoi me vrasjen e 4-fishtë në Bulevard

Si sot 11 vjet më parë, një protestë e organizuar kundër qeverisë së atëhershme të Sali Berishës, u kthye në demonstratë të dhunshme. Ziver Veizi,...

Meta akuzon Bashën që shiti zgjedhjet e 25 prillit

Ilir Meta akuzoi Lulzim Bashën se ka shitur zgjedhjet e 25 prillit, ditën e sotme. Akuzën e bëri në faqen e tij zyrtare në Facebook,...

Politikanët përdorin 21 janarin, akuzat dhe kundërakuzat

Vrasja e 4 protestuesve në bulevardin “Dëshmorët e Kombit” është përdorur politikisht nga kryeministri Edi Rama, kreu i PD-së, Lulzim Basha dhe ish-kryeministri Sali...

Regjistrohu për të marrë NEWSLETTER