Rama tregon kur do nisë “hapja modeste” e objekteve të faljes

KOMENTE

SHPERNDAJE
ARTIKULLIN

Text sizeAa Aa

Kryeministri Edi Rama zhvilloi ditën e sotme një video-konferencë me përfaqësues të klerit, të cilët kërkuan nga kreu i qeverisë rinisjen e aktiviteteve fetare, në kuadër të lehtësimit të masave në vend.

Pasi dëgjoi kërkesat dhe argumentet e secilit prej tyre, kreu i qeverisë tha se ishte në një mendje me ta sa i përket faktit që edhe feja duhej përfshirë në listën e aktiviteteve që duheshin lehtësuar, por shtoi se në këtë rast hapja do të jetë modeste dhe graduale.

Kryeministri iu kërkoi përfaqësuesve të komuniteteve fetare që të diskutonin me njëri-tjetrin për të hartuar një kalendar të përbashkët nisur edhe nga shembujt e vendeve të tjera.

“Ndihma që keni dhënë është e paçmuara, pasi me shembullin tuaj keni përcjellë një mesazh shumë të madh për popullin.

Sa i përket shqetësimit tuaj, unë bashkohem me ju, që në kuadër të lehtësimit të masave në jetën e përgjithshme ekonomike e sociale hap pas hapi, është e nevojshme të adresojmë situatën aspak të lehtë që kjo luftë ka krijuar mbi komunitete tuaja dhe të lehtësojmë pengesat e mëdha për ushtrimin e veprimtarisë suaj.

Por duhet të jemi shumë të kujdesshëm, duke e bërë këtë gradualisht gjë që kërkon konsultim, me ju, pasi praktikat tuaja janë të ndryshme, ndaj unë kam kërkuar që grupi i punës, që është i përbërë nga ekspertë të fushës dhe pastaj edhe komiteti ynë i ekspertëve ta adresojnë çështjen.

Por ndryshe nga aktiviteti i biznesit, në rastin tuaj kjo duhet bërë bashkërisht. Menjëherë, sot ose nesër të jeni në dispozicion; të kontaktoni me personat që hartojnë masat lehtësuese për t’u konsultuar si mund të hartohet një kalendar gradual deri në normalizim.

Nëse hartojmë një kalendar të arsyeshëm, duke parë edhe eksperiencat e tjera, atëherë në 18 maj, kur do të jetë konfiguruar gjithë projekti i fazës së dytë, të mund të japim disa indikacione konkrete për komunitetet. Kjo nënkupton një hapje modeste për të garantuar shëndetin e njerëzve”, tha kryeministri teksa mori edhe dakordësinë e përfaqësuesve fetarë.


Etiketimet

Kapet i riu teksa tentoi të vidhte në ambientet e Bashkisë Durrës

Policia e Durrësit ka arrestuar 27-vjeçarin me iniciale Xh.K, i cili tentoni të kryente vjedhje në ambientet e Bashkisë së Durrësit. I riu u kap...

Synimi i Berlusconit për të marrë presidencën pritet me skepticizëm

Ish-kryeministri italian Silvio Berlusconi ka shprehur aspiratën për postin e presidentit, votimi për të cilin do të mbahet në 24 janar, në parlamentin italian. Partitë...

S’dihet nëse Omicron do shënojë fundin e pandemisë, thotë Anthony Fauci

Këshilltari kryesor mjekësor i presidentit amerikan, Anthony Fauci thekson se është shumë herët për të konfirmuar nëse varianti Omicron do të shënojë fundin e...

Regjistrohu për të marrë NEWSLETTER