Rikthehet debati për “Luftën” Braho akuzon Hoxhën për studimin mbi partizanët

KOMENTE

SHPERNDAJE
ARTIKULLIN

Text sizeAa Aa

Kur vjen puna për të shkuarën komuniste, debatet përgjithësisht tensionohen. E tillë ishte edhe mbledhja e Komisionit të Ligjeve, e cila në rendin e ditës kishte shqyrtimin e raportit vjetor të Institutit për Studimin e Krimeve dhe Pasojave të Komunizmit (ISKK).

Për herë të dytë brenda një viti sërish protagonist u bë i njëjti deputet, Spartak Braho, i cili akuzoi drejtuesin e institucionit, Çelo Hoxha, si njeri politik dhe i zgjedhur në mënyrë jo ligjore.

“Zoti Hoxha vjen në krye të këtij institutit pas largimit të zotit Tufa. Mendoj se zoti Hoxha ka ardhur në drejtimin e institutit në shkelje të procedurave, rregullores me një votim tërësisht të falsifikuar,” – u shpreh Braho.

Përplasja ndërmjet deputeti socialist dhe drejtuesve të institutit nisi një vit më parë.

Në qendër të përplasjeve ka qenë aktiviteti i ISKK-së me hulumtimet e kryera për periudhën historike 1941-1945.

ISKK u krijua në vitin 2010 me ligj të posaçëm. Ai financohet nga shteti dhe ka për qëllim zbardhjen dhe ndërgjegjësimin e qytetarëve për krimet e kryera gjatë diktaturës.

Në vitin 2014, Çelo Hoxha ka kryer një përmbledhje arkivore prej së cilave ka nxjerrë si përfundim se drejtues kryesorë të Luftës Antifashiste-Nacionalçlirimtare kanë kryer krime lufte në periudhën 1941-1945.

“Rreth 270 drejtues të kësaj lufte, një pjesë prej të cilave janë dëshmor, i ka konsideruar kriminelë. Nuk e di nëse i qëndron ende kësaj zoti Hoxha por ky është një turp për të, njëkohësisht një njollë e rëndë në veprimtarinë e këtij instituti,” – u shpreh deputeti i PS-së.

Hoxha, pasues i Agron Tufës, u tregua i vendosur në studimin e tij duke iu përgjigjur direkt socialistit Braho.

“Në çdo lloj debati në lidhje me historinë, mendoj se mendimet e mija duhet të prevalojnë mbi ata që nuk kanë asnjë lloj kualifikimi për sa i përket çështjes së historisë. Secili ka mendimin e tij për luftën, por nuk është autoritet shkencor. Autoritet shkencor jam unë, jo zoti Braho,” – iu kundërpërgjigj drejtuesi i ISKK-së.

Pjesë e debatet u bë edhe bashkëpunimi me Autoritetin për Informimin e ish-Dosjeve të Sigurimit të Shtetit (AIDSSH) në gjetjen e personave të pushkatuar pa gjyq ku Çelo Hoxha kishte një propozim direkt për parlamentin.

“Për çështjet e të zhdukurve nuk duhet të mbahet shumë shpresë tek dokumentet. Janë njerëzit gjallë që kanë qenë prokurorë, kanë marrë pjesë në pushkatimin e njerëzve. Kuvendi mund të ndërmarrë një ligj që t’i detyrojë të flasin. Unë di raste të kësaj natyre,” – nënvizoi Hoxha.

Një vit më parë, përplasja ndërmjet Spartak Brahos dhe Agron Tufës, në atë kohë drejtues i ISKK-së, nxitën ndaj këtij të fundit një valë kërcënimesh në rrjetet sociale.

Tufa së bashku me familjen e tij është larguar nga Shqipëria dhe ka kërkuar azil politik në Zvicër.

Në korrik 2019, me propozim të Brahos dhe mbështetje të 9 deputetëve të tjerë socialistë, Komisioni i Ligjeve miratoi propozimin e ndryshimit të ligjit formues të ISKK-së duke e kufizuar periudhën e shtrirjes së studimeve vetëm gjatë diktaturës, e jo më edhe për pjesën e luftës.

Propozimi mbetet në procedurë në Kuvend dhe nuk ka kaluar për votim prej rreth një viti.

Etiketimet

“Conference League”, Laçi e Prishtina kalojnë në fazën e tretë, eliminohen Partizani dhe Drita

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan. Prishtina e siguroi...

Kalon ligji për shtetësi në RMV, iniciativë e partive shqiptare

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet...

Armando Subashi mohon që deklarimet e Petro Koçit të jenë akuza ndaj tij

Akuzave të deputetit të zgjedhur të Partisë Socialiste, Petro Koçi për tenderët në bashkinë e Fierit, u është përgjigjur herë të parë kryetari i...














Regjistrohu për të marrë NEWSLETTER