Vasili: Nuk do të lejojmë që vjedhësit e votave të diktojnë kushte të reja për reformën zgjedhore

KOMENTE

SHPERNDAJE
ARTIKULLIN

Text sizeAa Aa

Mazhoranca u tërhoq nga dakordësia në parim për identifikimin e votuesve me teknologji dhe administrimit të zgjedhjeve pasi e kuptoi se kështu nuk mund të manipulonte votat,” – kështu u shpreh në një intervistë për Euronews Albania përfaqësuesi i Lëvizjes Socialiste për Integrim në tryezën e reformës zgjedhore, Petrit Vasili.

Ish-deputeti i tha gazetares Bruna Çifligu se identifikimi biometrik ishte thelbësor për opozitën, pasi në këtë mënyrë i jepet fund votimit disa herë nga një person, ose ndryshe “mbushjes së kutive”, praktikë manipuluese, që sipas Vasilit, “e ka ushtruar masivisht Partia Socialiste”.

Vasili tha se opozita u tërhoq nga propozimi i saj për administrimin e procesit me 3 përfaqësues politikë dhe 1 të Komisionit Qendror të Zgjedhjeve (KQZ) duke propozuar një formulë me nga 2 përfaqësues partish dhe 3 të KQZ-së.

“PS-ja në fund u tërhoq edhe përballë këtij propozimi, me qëllimin që të legjitimonte komisione dhe administrim zgjedhor që lejon manipulimin dhe rrëmbimin e votës,” – tha përfaqësuesi i LSI-së duke e përshkruar propozimin e socialistëve për administrimin si tejet problematike.

“Opozita e bashkuar ka zero kushte të reja në tavolinë. PS, e cila në parim kishte pranuar identifikimin biometrik, ose më thjeshtë identifikimin me gisht, u tërhoq nga kjo dhe propozoi kundër saj, formula të reja, të cilat kanë vetëm një qëllim, që ajo të kontrollojë komisionet zgjedhore dhe të bëjë zero garancitë minimale të procesit,” – tha Vasili teksa kujto isenë vitin 2012 këto garanci PS-ja i fitoi teksa ishte në opozitë.

Ish-deputeti kujtoi se për hir të konsensusit për reformën zgjedhor opozita ka pranuar të hyjë në diskutime me mazhorancën.  

“Parimi Stalinist rëndësi ka qytetarët të votojnë, pa votat i numërojmë ne. Është e pamundur që vjedhësit e votave të diktojnë kushtet e reformës zgjedhore. Lehtësim që ata të vjedhin votën nuk do të ketë” – theksoi ashpër Vasili, duke këmbëngulur se mazhoranca ka qenë kundër propozimeve të opozitës.

 

Lexoni gjithashtu:

Eksperti ligjor: Paraja thelbi i problemit të zgjedhjeve, s’dihet kush i sponsorizon ofertat elektorale të partive

Nuk ka dakordësi në Këshillin Politik, opozita akuzon mazhorancën se refuzoi të gjitha propozimet

Reforma zgjedhore, PD propozon qeveri kujdestare 100 ditë para zgjedhjeve

Damian Gjiknuri: Duam sistemin zgjedhor aktual, ‘danezi’ sjell destabilitet politik


Etiketimet

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Berisha nuk regjistrohet në KQZ pa vërtetim gjykate, thotë juristi

Pa vërtetim gjykate Sali Berisha nuk mund të regjistrohet në KQZ. Kjo ishte deklarata e konstitucionalistit Jordan Daci, i cili sqaroi se praktika e Gjykatës...

Regjistrohu për të marrë NEWSLETTER