Rama: Në Kosovë erdha për t’u njohur më mirë me situatën, bashkimi i partive jo detyrë e imja

KOMENTE

SHPERNDAJE
ARTIKULLIN


Text sizeAa Aa

Kryeministri Edi Rama ka refuzuar ta cilësojë vizitën e tij dyditore në Kosovë si një vizitë, e cila kishte në synim “bashkimin e partive, apo udhëheqjes politike”.


Në konferencën për shtyp, të cilën ai mbajti në mjediset e Aeroportit Adem Jashari në Prishtinë, Rama tha se kishte zgjedhur t’i takonte udhëheqësit e partive në mënyrë të veçantë një-nga-një dhe jo në një tryezë, sepse, siç tha ai, “bashkimi i partive politike në Kosovë nuk është detyrë e kryeministrit të Shqipërisë”.

“Nuk erdha këtu për të bashkuar të gjitha partitë politike apo udhëheqësit e tyre në një tryezë sepse e para kjo nuk është detyra ime, kjo do të ishte një kapërcim i kuadrit etik brenda të cilit, sipas meje duhet të veprojë një kryeministër i Shqipërisë ndaj Kosovës dhe një kryeministër i Kosovës ndaj Shqipërisë,” – tha Rama teksa shtoi se Shqipëria e ka detyrim mbështetjen e Kosovës “pa kushte”.

“Por, Shqipëria nuk e ka dhe as nuk do ta marrë përsipër detyrën e kujdestarit, tutorit, apo mentorit që nga lart i tregon udhëheqësisë së Kosovës se çfarë duhet të bëjë. Erdha këtu për të dëgjuar nga të gjithë, dhe këtë nuk e bën dot në një tryezë me të gjithë, sy më sy, hapur… opinionet e tyre, këndvështrimet e tyre, e dimë se jo të gjithë mendojnë njësoj për të gjitha në këtë situatë dhe natyrisht për të pasur një sens real të realitetit politik sipas tërësisë së këtyre opinioneve që përfaqësojnë pjesë të caktuara të shoqërisë,” – shtoi më tej Rama teksa ironizoi se tashmë dinte shumë më shumë se sa 24 orë më parë.

Në diskutimin e tij kryeministri i Shqipërisë paralelizoi marrëdhënien mes dy kryeministrave të Shqipërisë dhe Kosovës si marrëdhënia e dy vëllezërve që jetojnë në dy shtëpi të ndryshme.

“Nuk e fsheh që kam opinionet e mia, por opinionet e mia janë të një vëllai që jeton në shtëpi tjetër. Jemi vëllezër, por kemi dy shtëpi, dy shtete, ky është një problem, por edhe privilegj. Privilegj i krijuar falë luftës çlirimtare, sepse mund të mos kishim jo dy shtëpi,” – tha Rama teksa përmendi emrat e Hashim Thaçit dhe Kadri Veselit ndër udhëheqësit që i dhanë drejtim fateve të luftës dhe vetë pavarësisë së Kosovës.

Konferenca për shtyp e Ramës ishte me fjalime të gjata, në të cilat herë pas here ai theksoi nevojën për bashkëqëndrim përballë akuzave ndaj ish-udhëheqësve të UÇK-së.

Ai e quajti luftën e saj, luftë të drejtë dhe që ka “një balancë të prishur” në raport me Serbinë për ato që quhen “krime lufte”, ndërsa shigjetoi të gjithë grupimet politike apo dhe opinionet e caktuara që janë pozicionuar me dashamirësi ndaj akuzave të Presidentit se “janë verbuar nga mllefi”.

“Kush kujton, kush mendon, kush propagandon, qoftë dhe një koment të pafajshëm naiv në rrjetet sociale se këtu bëhet fjalë për një akt ndaj disa personave apo se këtu bëhet fjalë për të shfrytëzuar këtë instrument për pastrimin e skenës politike, apo shkapjen e shtetit, është ose naiv, ose tejet i verbuar nga mllefi,” – tha Rama.

 

Lexoni gjithashtu:

Cakaj sqaron vizitën në SHBA, përcjell 3 mesazhe për dialogun nga Uashingtoni






Etiketimet

Rama-opozitës: Do ta votojmë ligjin për Butrintin, s’mund ta mbani peng

Kryeministri Edi Rama mbrojti në Kuvend marrëveshjen për menaxhimin e Parkut Kombëtar të Butrintit. Rama iu drejtua me tone të ashpra opozitës duke thënë se...

Refugjatët ukrainas mund të shkëmbejnë paratë e tyre me euro në Gjermani

Refugjatët ukrainas në Gjermani do të jenë në gjendje të shkëmbejnë paranë e tyre, hryvnia ukrainase, në euro nga kjo e martë pa kurs...

Pasiguria dhe rritja e çmimeve të energjisë, BE pezullon rregullat e borxhit

Brukseli propozoi një pezullim të rregullave të BE-së për menaxhimin e borxhit publik dhe deficitit për një vit më shumë, deri në fund të...


TË FUNDIT

Rama-opozitës: Do ta votojmë ligjin për Butrintin, s’mund ta mbani peng

Kryeministri Edi Rama mbrojti në Kuvend marrëveshjen për menaxhimin e Parkut Kombëtar të Butrintit. Rama iu drejtua me tone të ashpra opozitës duke thënë se...

Refugjatët ukrainas mund të shkëmbejnë paratë e tyre me euro në Gjermani

Refugjatët ukrainas në Gjermani do të jenë në gjendje të shkëmbejnë paranë e tyre, hryvnia ukrainase, në euro nga kjo e martë pa kurs...

Pasiguria dhe rritja e çmimeve të energjisë, BE pezullon rregullat e borxhit

Brukseli propozoi një pezullim të rregullave të BE-së për menaxhimin e borxhit publik dhe deficitit për një vit më shumë, deri në fund të...

Ekskluzive| ‘Deti’, Shqipëria zgjedh ‘anglezët’ përballë Greqisë në Hagë

Shqipëria ka kontraktuar një kompani britanike për t’u përfaqësuar në Hagë përballë Greqisë lidhur me çështjen e kufirit detar. Kështu tha Artur Meçollari, ish-anëtar i...







Regjistrohu për të marrë NEWSLETTER