Sipërmarrësit nga diaspora dhurojnë 5 mijë teste COVID për Shqipërinë

KOMENTE

SHPERNDAJE
ARTIKULLIN

Text sizeAa Aa

Pesë mijë teste i janë shtuar kapacitetit të tamponëve që janë në shërbim të qytetarëve për të zbuluar raste me COVID-19. Të dhuruar nga tre biznesmenët nga diaspora, Lazim Destani, Nazmi Viqa dhe Remzi Ejupi, ky nuk do të jetë kontributi i fundit brenda kësaj nisme.

 “Nuk ka dhuratë më të madhe nga perëndia sesa jeta e njeriut dhe është momenti që të jemi të gjithë bashkë të organizuar dhe të ruajmë jetën e njëri tjetrit”, tha sipërmarrësi Remzi Ejupi.

Ministri i Shtetit për Diasporën Pandeli Majko e cikësoi si një iniciativë shumë të veçantë.

“Kjo është një pjesë e ndihmës për Shqipërinë dhe do të vijnë edhe të tjera”, tha ai.

Skënder Xhakaliu, përfaqësuesi i z. Destani dhe z. Viqa u shpreh se kjo nismë ka nisur 1 muaj më parë dhe se do të vazhdojë.

“Ky aksion ka filluar muajin e kaluar me Kosovën që kemi dhuruar 12 mijë teste, po ashtu edhe në Maqedoni janë dorëzuar 2 mijë teste. Diaspora çdo herë do të jetë pranë institucioneve të shteteve tona dhe do të jetë e gati të ndihmojë aty ku është nevoja”, tha ai

Ministrja e shëndetësisë shtoi rëndësinë që kanë këto teste, në situatën në të cilën ndodhemi.

 “Janë kite që do të rrisin stokun të materialeve të nevojshme për të rritur testimin në popullatë. Jemi në një moment serioz të zhvillimit të pandemisë, por paralelisht jemi duke forcuar kapacitetet tona, ndaj dhe kjo vepër është një hap më shumë. Nëse ka një emërues kjo pandemi, është solidariteti mes vendeve”, u shpreh ministrja Manastirliu.

Të ftuarit nuk harruan të falënderojnë stafin mjekësor për ndihmën e dhënë në këto muaj, jo vetëm në Shqipëri, por edhe në vendet fqinje.


Etiketimet

Kompanitë ajrore paralajmërojnë probleme me fluturimet prej teknologjisë 5G

Kalimi i shërbimeve të telefonave në teknologjinë 5G do të shkaktojë probleme të mëdha me fluturimet. 10 kompanitë më të mëdha ajrore në SHBA e...

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Regjistrohu për të marrë NEWSLETTER