Rama drejtorive arsimore: Prioritet respektimi i protokolleve shëndetësore

KOMENTE

SHPERNDAJE
ARTIKULLIN

Text sizeAa Aa

Vit shkollor “më i gjatë” dhe “shumë herë më i vështirë se të tjerët”, kështu e ka përshkruar sezonin e ri shkollor kryeministri Edi Rama gjatë një komunikimi online me drejtues të drejtorive arsimore.

Gjatë videkonferencës kryeministri Rama u kujtoi zyrtarëve që të kryejnë kontrolle të vazhdueshme për respektimin me përpikëri të protokolleve të shëndetësisë.

“Sigurimi i distancës fizike në shkolla është domosdoshmëri, thënë kjo, është absolutisht e domosdoshme të kuptohet drejt dhe thellë që këtu nuk bëhet fjalë për të vendosur në rresht të rriturit, burra dhe gra, djem dhe vajza që janë në moshë pjekurie, por bëhet fjalë për të disiplinuar sjelljen në mjedis social të një grupi moshash shumë delikate, ndaj duhet me patjetër kujdes, durim dhe përkushtim i madh, jo ulërima, por qasje prindërore,” – këmbënguli kryeministri Rama teksa kujtoi se fëmijët nuk janë imun nga COVID-19, pavarësisht se ka pak raste të sëmundjes dhe vdekjes së tyre nga ky virus.

Të hënën klasat e shkollave u rihapën për nxënësit e klasave fillore të cilët nuk patën mundësi për të vazhduar mësimin online gjatë sezonit të shkuar shkollor, mësim i cili u detyrua të bëhej në distancë për shkak të pandemisë së COVID-19.

Sipas planit të ministrisë sezoni shkollor nis zyrtarisht më 14 shtator dhe për këtë autoritetet kanë marrë masa për të garantuar distancën fizike.

Shkollat do të funksionojë me një, dy dhe tre turne me jo më shumë se 20 nxënës dhe me orë të shkurtuara në 30 minuta:

  • 1097 shkolla do të kenë një turn;
  • 479 shkolla kanë dy turne;
  • 183 shkolla kanë tre turne;
  • mësimi do të jetë i kombinuar një herë në klasa, një herë online;
  • nxënësit duhet të vlerësohen vetëm për mësimin në shkollë

Kryeministri u shpreh se janë 2600 mësues janë trajnuar në muajin korrik, por procesi i ripërsëritjes do të fillojë edhe në javët e para të shkollës për atë që ai e konsideroi si prioritare “ruajtjen e shëndetit”.

“Mbajtja mbyllur e shkollave nuk ishte opsion, këtë na e thotë përvoja e të gjitha vendeve, hezitimi dhe mbajtja, apo tërheqja zvarrë e këtij procesi nuk ishte opsion, sepse virusi nuk ka ikur dhe nuk ka për të ikur, deri kur të paktën të dalë një vaksinë e besueshme dhe e pranuar botërisht, që do të thotë se në vend që të presim ikjen e virusit me magji, që nuk do të ndodhë, apo t’i hymë rrugës së çmendurisë së konsipracioneve që nuk ka virus, duhet që të gjithë të marrim përgjegjësinë, shteti ka bërë dhe po bën detyrën e vet, por budallëllëkun njerëzor ta luftojë secili për vete,” – tha kryeministri.

Rama kujtoi edhe zonat e prekura nga tërmeti, ku shumë shkolla janë dëmtuar dhe kërkojnë të rindërtohen. Kryeministri u kërkoi drejtuesve të drejtorive arsimore të këtyre zonave të përkushtohen më shumë për të gjetur zgjidhje në situatën aktuale ku kërkohet më tepër hapësira për të zhvilluar orët mësimore.

 

Lexoni gjithashtu:

Skenarët për nisjen e shkollës, Majlinda Keta: Të testohen për COVID-19 të gjithë mësuesit, mundësisht edhe nxënësit

Nuk bënë dot mësim online, 4500 nxënës rikthehen në bankat e shkollës për mësim plotësues

Varfëria, prindërit s’u sigurojnë dot fëmijëve kushtet për mësim online

Rindërtimi pas tërmetit, PD: Qytetarët në Durrës dhe Lezhë ende pa zgjidhje


Etiketimet

Kompanitë ajrore paralajmërojnë probleme me fluturimet prej teknologjisë 5G

Kalimi i shërbimeve të telefonave në teknologjinë 5G do të shkaktojë probleme të mëdha me fluturimet. 10 kompanitë më të mëdha ajrore në SHBA e...

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Regjistrohu për të marrë NEWSLETTER