Jorida Tabaku tregon ofertën e Partisë Demokratike për ekonominë

KOMENTE

SHPERNDAJE
ARTIKULLIN

Text sizeAa Aa

Ish-deputetja e Partisë Demokratike, Jorida Tabaku foli në studion e “Ilva Now” me gazetaren Ilva Tare rreth programit ekonomik që Partia Demokratike ka shpalosur në kuadër të fushatës elektorale.

Ajo iu referua këtij programi ekonomik si një vizion i PD-së për të fuqizuar grupin e njerëzve që ajo tha se “punojnë ndershëm” duke theksuar se taksa 9% është një nga elementët që do ta mundësojë synimin e këtij programi.

“A e dini që pjesën kryesore mbi tatimin për të ardhurat personale nga 400 000 lekë deri në 900 000 lekë e paguan ky grup?”,- ju drejtua ajo gazetares Ilva Tare duke sjellë në vëmendje se kush është i ndershëm e punon më shumë tatohet më shumë, gjë që sipas saj duhet të ishte ndryshe.

Jorida Tabaku përmendi në fjalën e saj se 1/3 e punës ikën ‘kot’  duke qenë se kjo është tërësisht e palogjikshme dhe është taksa më e lartë në rajon.

“Vizioni ekonomik do të nxisë mobilitetin social se këtu te ne lind i varfër dhe vdes i varfër”,- tha Tabaku.

Ish deputetja e PD tha se sot buxheti i një familje shqiptare është i njëjtë me atë të vitit 2007 duke e cilësuar këtë si të pakonceptueshme.

“Ndërkohë që taksa e sheshtë pikërisht këtë ka parasysh, paratë i shpenzon më mirë Ilva, familja jote, inxhinieri, avokati, biznesi sepse investon, sepse rrit konsumin dhe ky është një zinxhir”,- sqaroi ajo.

Ndër të tjera Tabaku përmendi se taksa e sheshtë do të zgjerojë bazën tatim paguese, do rrisi numrin e bizneseve, do nxisë konsumin dhe pavarësisht se numri i parave që hyjnë do të ulet kjo do të kompesohet me zgjerimin e bazës.

Ajo shtoi gjithashtu se kategorizimi i biznesit do të bëhet në nivelin e 140 milionë lekë ku do të jetë biznesi i vogël dhe përjashtimi nga fasha e TVSH-së dhe biznesi me mbi 140 milionë lekë me taksën 9% teksa sqaroi se ky nuk është një favorizim i të pasurve por thjesht një vlerësim i atyre që punojnë më shumë.

 

Lexoni gjithashtu:

Jorida Tabaku: Rama nuk e mbulon dot krizën e ekonomisë as me 10 ministra financash

Jorida Tabaku: Premtimi i Ramës për pagë minimale 30 mijë lekë, kopje e programit të PD-së



Etiketimet

‘Të mos gjykohet Salvini’, prokurori: Ai nuk ndaloi në mënyrë të paligjshme emigrantët në 2019

Matteo Salvini nuk duhet të shkojë në gjyq për ndalim të paligjshëm të emigrantëve. Kështu u shpreh prokurori i Katanias, Andrea Bonomi. Sipas tij, vendimi...

“Do të jem këtu deri më 26 prill”, Meta nga Vlora: Nuk preket asnjë votë e vlonjatëve

Nga Vlora, presidenti Ilir Meta bëri sërish një apel të fortë për ditën e zgjedhjeve, ndërsa deklaroi se nuk do të preket asnjë votë...

‘Defender 21’| Ushtarët e Gardës së New Jersey mbërrijnë në Tiranë për të trajnuar FA

Ambasadorja amerikane Yuri Kim mirëpriti sot ushtarët amerikanë nga Garda Kombëtare e New Jersey të cilët mbërritën sot në Tiranë. Ambasada amerikane përmes një postimi...









Regjistrohu për të marrë NEWSLETTER