Prokuroria kërkon pushim të hetimeve ndaj ish-kandidatit socialist për bashkinë Shkodër Valdrin Pjetri

KOMENTE

SHPERNDAJE
ARTIKULLIN


Text sizeAa Aa

Prokuroria ka kërkuar pushimin e hetimeve ndaj ish-kandidatit socialist për kryetar të Bashkisë Shkodër Valdrin Pjetri.


Prej rreth 10 muajsh Pjetri po hetohej për falsifikim të formularit të vetëdeklarimit të pastërtisë së figurës, plotësuar përpara zgjedhjeve lokale të 30 qershorit 2019.

Gjykata e Tiranës pritet ta shqyrtojë kërkesën ditën e premte. Falsifikimi i formularit të dekriminalizimit dënohet sipas Nenit 190 të Kodit Penal, i cili e ndëshkon këtë me burg nga gjashtë muaj deri në katër vite.

Kandidati socialist Pjetri, para zgjedhjeve të vitit 2019, mbante pozicionin e kryeregjsitruesit në Zyrën e Përgjithshme të Regjistrimit të Pasurive të Paluajtshme, ndërkohë që më parë qe angazhuar në Agjencinë e Pasurive të Sekuestruara dhe Konfiskuara sipas “ligjit Anti-Mafia dhe Financimit të Terrorizmit” dhe pati mbajtur poste të rëndësishme në ministrinë e Mbrojtjes.

Lindur në Shkodër, shkolluar dhe specializuar në ekonomi, Pjetri ishte promovuar nga Partia Socialiste për bashkinë e këtij qyteti në garën elektorale të zgjedhjeve të 30 qershorit, të cilat u bojkotuan nga opozita.

Pas denoncimeve të kësaj të fundit u zbulua se në vitin 2003, kohë kur Pjetri ishte me studime në Firence, ishte arrestuar dhe dënuar së bashku me një person tjetër për drogë. Dënimi kishte qenë me 18 muaj burg dhe gjobë 1 mijë euro, revokim leje-qëndrimin dhe dëbim nga Italia për 12 vite.

Kjo ngjarje nuk ishte pasqyruar nga Pjetri në formularin e vetdeklarimit dhe për këtë ai u tërhoq nga kandidimi pa u betuar si kryetar i ri i Bashkisë Shkodër, gjë që la në detyrë kryebashkiaken demokrate Voltana Ademi.

Kryeministri Edi Rama hoqi përgjegjësitë për të shkuarën e Pjetrit duke këmbëngulur se ai nuk kishte dijeni dhe përgjegjësia ishte individuale.

Çështja “Pjetri” shkaktoi pakënaqësi në strukturat e PS-së në Shkodër. Pasi mori fillimisht vetë drejtimin e strukturave të qarkut, për zgjedhjet e ardhshme parlamentare Rama ia ka kaluar këtë detyrë Ilir Beqajt, i cili asokohe drejtonte qarkun e Kukësit.

Opozita denoncoi për pretendime të ngjashme me ato të Pjetrit edhe kandidatë të tjerë socialist të zgjedhjeve vendore të vitit 2019 si Agim Kajmaku në Vorë, Qerim Ismailaj në Mallakastër, Mark Babani në bashkinë Vau i Dejës, dhe Agron Malaj në Mat.

Përveç rastit të Kajmakut, pretendimet e opozitës për kryebashkiakët e tjerë nuk u vërtetuan nga organet hetimore.

 

Lexoni gjithashtu:

Kryebashkiakët e majtë me probleme, 6 prej tyre të denoncuar nga PD

Vetingu në politikë, Afrim Krasniqi: Të inkriminuarit të humbasin të drejtën e zëvendësimit

Apeli liron ish-kryebashkiakun e Vorës

PD kërkesë zyrtare KQZ-së për t’i hequr mandatin kryetarit të Bashkisë Mat






Etiketimet

Zbulohet laborator me mbi 10 mijë bimë kanabis në veri të Kosovës

Policia e Kosovës gjatë një aksioni për goditjen e kontrabandës në veri të vendit, ka zbuluar një laborator për kultivimin e kanabisit. Ministri i Punëve...

Rastet e fundit pozitive me COVID vetëm në 3 qarqe

Gjatë ditës së fundit në Shqipëri janë identifikuar 17 raste pozitive me COVID-19 nga kryerja e 623 testimeve. Të gjitha rastet janë zbuluar vetëm në...

Të martën caktohet data për raundin e tretë për zgjedhjen e Presidentit

Konferenca e Kryetarëve pritet të mblidhet mesditën e së martë për të caktuar datën e mbajtjes së raundit të tretë për zgjedhjen e Presidentit...


TË FUNDIT

Zbulohet laborator me mbi 10 mijë bimë kanabis në veri të Kosovës

Policia e Kosovës gjatë një aksioni për goditjen e kontrabandës në veri të vendit, ka zbuluar një laborator për kultivimin e kanabisit. Ministri i Punëve...

Rastet e fundit pozitive me COVID vetëm në 3 qarqe

Gjatë ditës së fundit në Shqipëri janë identifikuar 17 raste pozitive me COVID-19 nga kryerja e 623 testimeve. Të gjitha rastet janë zbuluar vetëm në...

Të martën caktohet data për raundin e tretë për zgjedhjen e Presidentit

Konferenca e Kryetarëve pritet të mblidhet mesditën e së martë për të caktuar datën e mbajtjes së raundit të tretë për zgjedhjen e Presidentit...

Rama-opozitës: Do ta votojmë ligjin për Butrintin, s’mund ta mbani peng

Kryeministri Edi Rama mbrojti në Kuvend marrëveshjen për menaxhimin e Parkut Kombëtar të Butrintit. Rama iu drejtua me tone të ashpra opozitës duke thënë se...

Refugjatët ukrainas mund të shkëmbejnë paratë e tyre me euro në Gjermani

Refugjatët ukrainas në Gjermani do të jenë në gjendje të shkëmbejnë paranë e tyre, hryvnia ukrainase, në euro nga kjo e martë pa kurs...







Regjistrohu për të marrë NEWSLETTER