Hapja e ambienteve të mbyllura, Enri Jahaj: Sektori mbetet i gjunjëzuar

KOMENTE

SHPERNDAJE
ARTIKULLIN

Text sizeAa Aa

Në një intervistë për Euronews Albania, Enri Jahaj, përfaqësuesi i Shoqatës së Bareve dhe Restoranteve foli rreth rihapjes së ambienteve të mbyllura duke u shprehur aspak optimist.

Sipas tij, rihapja e ambienteve brenda në bare apo restorante është thjesht një mënyrë që biznesi të qëndrojë hapur pasi këto ambiente nuk janë aq të mëdha sa të mundësojnë distancën dy metra ndërmjet tavolinave.

“Një ambient që është 100 metër katror që për bizneset familjare do të ishte luks do themi qe duhet të kemi diku te 10 tavolina. Teknikisht nuk është e mundur të mbash as biznesin, as punonjësit t’i paguash, as furnitorët t’i paguash kështu që praktikisht i është dhënë zgjidhje thjesht faktit që nga mbyllur statusi jonë të jetë hapur, kaq”,- u shpreh Enri Jahaj.

Në fjalën e tij, z. Jahaj theksoi se është shteti ai që duhet të merret me pjesën e rregullimit të situatës. Pavarësisht se janë të vetëdijshëm që po kalojmë një kohë pandemie, bizneset presin një zgjidhje optimale nga qeveria pasi të punuarit me një të katërtën e kapacitetit sipas përfaqësuesit të Shoqatës së Bareve dhe Restoranteve është e pamundur.

I pyetur rreth masave që sipas tij mund të merren për të sjellë përmirësimin e situatës në këtë sektor, Jahaj propozon si zgjidhje mbajtjen e eventeve.

“Duhen bërë evente, të organizohen nëpër sheshe edhe të distancuara që shtresa tjetër të kenë mundësi të mbajnë familjet”,- tha ai.

Përfaqësuesi i Shoqatës së Bareve dhe Restoranteve, Enri Jahaj, tha se do të kërkojnë një takim me autoritetet për të marrë jo vetëm masat sa i takon hapjes, por edhe për të ndjekur një protokoll të ri për pjesën e jashtme dhe atë të brendshme.

Ndërkaq nuk la pa përmendur se përgjegjësia nuk duhet të bjerë e gjitha mbi biznesin. Ai u shpreh se krahas bizneseve, duhet që edhe klientët të tregojnë kujdesin e tyre, pasi në të kundërt protokolli i tanishëm është i pazbatueshëm.

 

 

Lexoni gjithashtu: 

Nga 1 tetori hapen baret, restorantet dhe pishinat në ambientet e mbyllura, klubet e natës vijojnë të mbyllura

Hapja e restoranteve me rregulla strikte, Marjeta Dervishi nga ISHP: Udhëzuesi është i përkohshëm

Muzika e natës vijon e mbyllur, Elton Deda: Komunitetit të artistëve ju mungon një organizim institucional


Etiketimet

Kompanitë ajrore paralajmërojnë probleme me fluturimet prej teknologjisë 5G

Kalimi i shërbimeve të telefonave në teknologjinë 5G do të shkaktojë probleme të mëdha me fluturimet. 10 kompanitë më të mëdha ajrore në SHBA e...

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Regjistrohu për të marrë NEWSLETTER