COVID po zvarrit gjyqet, gjyqtarë, prokurorë dhe avokatë të prekur mungojnë në seanca

KOMENTE

SHPERNDAJE
ARTIKULLIN

Text sizeAa Aa

Shtimi i rasteve me coronavirus po ndikon edhe në zvarritjen e proceseve gjyqësore pasi gjyqtarë, prokurorë dhe avokatë kanë rezultuar pozitiv.

Megjithëse prej marsit gjykatat kanë funksionuar të mbyllura dhe seancat janë zhvilluar me numër të kufizuar personash të domosdoshëm, COVID-19 ka depërtuar në këto institucione, duke u kthyer në një problem serioz sa i takon zvarritjes së gjyqeve.

Të hënën seanca për të pandehurit e pjesës së mbetur të ‘dosjes 339’ u shty për shkak se një avokat dyshohet të jetë infektuar me COVID-19.

Dhjetëra seanca të tjera janë shtyrë për të njëjtat arsye edhe në Gjykatën e Tiranës, bëjnë me dije burime të Euronews Albania, ku pozitivë, krahas gjyqtarëve dhe avokatëve, kanë rezultuar edhe pjesëtarë të administratës së gjykatave dhe prokurorisë së kryeqytetit. Edhe në Gjykatën Administrative të Apelit këtë të martë u shty seanca, ku kandidati i skualifikuar për në Kushtetuese, Sinan Tafaj ka ankimuar vendimin e Këshillit të Emërimeve në Drejtësi.

Shkak është bërë mungesa e relatores së çështjes, ndonëse arsyeja nuk dihet, ndërsa prej ditësh Apeli Administrativ po shqyrton vetëm çështje emergjente, pasi një pjesë e administratës gjyqësore dhe gjyqtarë janë të prekur nga COVID-19. Ditët e fundit mësohet se raste të shtuara me COVID-19 janë konstatuar edhe në Gjykatën e Vlorës dhe atë të Durrësit.


Etiketimet

Protesta që përfundoi me vrasjen e 4-fishtë në Bulevard

Si sot 11 vjet më parë, një protestë e organizuar kundër qeverisë së atëhershme të Sali Berishës, u kthye në demonstratë të dhunshme. Ziver Veizi,...

Meta akuzon Bashën që shiti zgjedhjet e 25 prillit

Ilir Meta akuzoi Lulzim Bashën se ka shitur zgjedhjet e 25 prillit, ditën e sotme. Akuzën e bëri në faqen e tij zyrtare në Facebook,...

Regjistrohu për të marrë NEWSLETTER