Rreth 500 raste të reja me COVID-19, Basha: Qeveria ka humbur kontrollin

KOMENTE

SHPERNDAJE
ARTIKULLIN

Text sizeAa Aa

Kryetari i Partisë Demokratike, Lulzim Basha, akuzoi sërish qeverinë të premten se “ka humbur kontrollin e situatës së pandemisë”.

Basha komentoi në Twitter pak pas përditësimit ditor të të dhënave të pandemisë bërë nga ministria e Shëndetësisë. Ai tha se qeveria gaboi duke vijuar pagesat e koncesioneve dhe duke mos i përqendruar fondet te shëndetësia në një kohë kur të dhënat e të infektuarve po rriten dita-ditës.

“Me qindra njerëz kanë humbur jetën dhe fatkeqësisht shumë të tjerë janë në rrezik. Në vend që [qeveria] të marrë masa dhe të ketë një plan kundër pandemisë, Rama vazhdon të paguajë klientët e tij dhe të sulmojë opozitën që i nxori faktet. Në vend që të shtojë mjekët, infermierët e shtretërit në spitale, ja jep milionat mafies së plehrave,” – shkroi Basha në Twitter.

Kryetari i PD-së e kritikoi kryeministrin duke këmbëngulur se “ai e ka humbur kontrollin ndaj pandemisë”.

Sipas demokratëve me këtë qasje qeveria ka “shkatërruar ekonominë” dhe po shkatërron “edhe jetët dhe shëndetin e qytetarëve”.

Ditën e premte ministria raportoi 489 raste të reja me COVID-19, çka rezulton të jetë numri më i lartë i raportuar ndonjëherë në tetë muaj pandemi.

Prej muajit mars autoritetet kanë kryer 135 mijë testime, prej së cilave 23,210 kanë rezultuar pozitive me COVID-19. Nga këto, 11,861 raste (51.1%) janë shëruar, 10,800 (46.5%) janë ende me mbartje të virusit, ndërsa 549 (23.6%) janë mbyllur me humbje jete.

 

Lexoni gjithashtu:

Gjashtë viktima nga COVID-19, rastet e reja i afrohen 500 në 24 orë


Etiketimet

Protesta që përfundoi me vrasjen e 4-fishtë në Bulevard

Si sot 11 vjet më parë, një protestë e organizuar kundër qeverisë së atëhershme të Sali Berishës, u kthye në demonstratë të dhunshme. Ziver Veizi,...

Meta akuzon Bashën që shiti zgjedhjet e 25 prillit

Ilir Meta akuzoi Lulzim Bashën se ka shitur zgjedhjet e 25 prillit, ditën e sotme. Akuzën e bëri në faqen e tij zyrtare në Facebook,...

Regjistrohu për të marrë NEWSLETTER