“Bashkë kundër COVID-19”, njësitë administrative të rajonit bëhen bashkë për të shtuar kapacitetet në emergjenca

KOMENTE

SHPERNDAJE
ARTIKULLIN

Text sizeAa Aa

Asambleja e Përgjithshme e Unionit të Bashkive dhe Komunave Shqiptare në Rajon (UBSHR) ka zhvilluar mbledhjen e radhës në Tiranë.

“Bashkë kundër COVID-19” ishte kryefjala e takimit ku morën pjesë kryetarët e komunave, anëtare të Unionit. Ata ndanë përvojat e tyre në menaxhimin e pandemisë dhe vendosën të shtojnë kapacitetet e emergjencave civile rajonale në përgjigje të situatës pandemike.

Turizmi rajonal ishtë një tjetër hap i rëndësishëm që do të ndërmerret së shpejti nga UBSHR.

Andriola Kambo, drejtore ekzekutive e Unionit të Bashkive Shqiptare në Rajon ishte në studion e Euronews Albania për të dhënë detaje të mëtejshme rreth mbledhjes.

Ajo tregoi se nga mbledhja u vendos të ngrihet një shtab emergjencash civile.

Të jemi afër njëri tjetrit dhe të ndajmë eksperiencat pozitive, siç tha dhe vetë Kambo janë pikat kyçe të Asamblesë që Kambo drejton.

“Të ndajmë projektet që kanë funksionuar shumë mirë në Tiranë, pse mos të funksionojnë në komunat më të vogla dhe më të mëdha siç janë dhe Prishtina, Tetova, Ulqini, Gostivari. Ne kemi pasur dhe anëtarësime të reja. Kemi komunën e Gjakovës që është bashkuar me ne, Mitrovica, Peja e shumë komuna të tjera që kanë shumë interes të jenë pjesë e kësaj platforme të përbashkët që tashmë do të kthehet në një platformë digjitale,” – tregoi Andriola Kambo.

Ndër të tjera ajo foli dhe për turizmin rajonal që falë projektit “Tirana vjen tek ti” po i jepet një hov dhe gjithashtu apeloi se turizmi ka nevojë për promovim nga gjithsecili.


Etiketimet

‘Kam bërë burg për ty’, Basha pritet me parulla e vezë nga të rinjtë e FRPD

Kreu i Partisë Demokratike, Lulzim Basha është pritur me protesta jashtë ambientit ku do të zhvillonte një bashkëbisedim me gratë demokrate. Një grup grash e...

Aksidentohet në Bullgari autobusi nga Kosova

Mëngjesin e sotëm, një autobus me 29 pasagjerë nga Kosova është aksidentuar me një kamion në Kyustendil të Bullgarisë. 9 prej pasagjerëve janë fëmijë. Në...

Regjistrohu për të marrë NEWSLETTER