Ndahet nga jeta aktori i humorit Koço Devole

KOMENTE

SHPERNDAJE
ARTIKULLIN

Text sizeAa Aa

Ka ndërruar jetë pas një beteje të gjatë me një sëmundje të rëndë, së cilës iu bashkangjit edhe infektimi nga koronavirusi, aktori i mirënjohur i humorit shqiptar Koço Devole.

Lajmi është konfirmuar nga bashkëpunëtorë të aktorit 75-vjeçar, i cili lë pas një trashëgimi të vyer në kinematografinë dhe median shqiptare.

I njohur për interpretimet në Estradën e Shtëpisë Qendrore të Ushtrisë krah aktorëve të tjerë si Roland Trebicka, Zef Deda apo Sejfulla Myftari, Devole spikati gjithashtu edhe si karikaturist, skenarist e regjisor.

Devole u lind më 28 nëntor 1945 në Kuçovë. Ai u rrit në Tiranë pasi familja e tij u zhvendos në kryeqytet pas përfundimit të Luftës Nacional-Çlirimtare.

Studioi për inxhinieri mekanike ndërsa përpjekjet e tij për t’u futur në Akademinë e Arteve nuk u shpërblyen. Sidoqoftë kjo nuk e ndaloi atë të kishte një karrierë të suksesshme në art.

Fillimisht u angazhua në estradën e ushtrisë, më pas në revistën satirike Hosteni si humor-shkrues dhe karikaturist krah emrash të njohur si Bujar Kapexhiu, Spiro Çomora, Dionis Bubani, apo Bardhyl Fico.

Në fund të viteve 70-të nisi punën në Radiotelevizionin publik Shqiptar (RTSH) ku kontribuoi si skenarist, regjisor apo dhe aktor në programacionet e mbrëmjeve të fundvitit dhe në disa telekomedi.

Aktiviteti më i rëndësishëm i karrierës së tij ishte në mes të viteve 90-të ku në disa bashkëpunime me Pali Kuken, Agim Bajkon, Agron Llakën, Mehdi Malkajn dhe Vasillaq Vangjelin, sollën në ekranet shqiptare komedi si “Mos shko o trim”, “Një  ditë  i çmendur”, apo “Gjuetia e fundit” dhe “Të gjallë apo të vdekur”, vepra të cilat mbeten ndër të vetmet që kanë ironizuar periudhën e regjimit komunist dhe diktatorit Enver Hoxha.

Prej fillimit të viteve 2000 ai nisi bashkëpunimin me Top-Channel ku kontribuoi në emisionin “Fiks-Fare” dhe disa herë në programin humoristik “Portokalli”.

Mesazhe ngushëllimi nga politika

Udhëheqësit politikë përcollën mesazhe ngushëllimi për aktorin e dashur shqiptar.

Presidenti Ilir Meta e konsideroi humbje të një prej “kolosëve të humorit dhe artit shqiptar” ndarjen nga jeta të Devoles. Ai u shprehu ngushëllime familjarëve dhe të afërmve të tij duke theksuar se atë “do ta kujtojmë gjithmonë duke qeshur”.

Kryetari i Kuvendit, Gramoz Ruçi, me një mesazh përcjellë në web-faqen zyrtare të parlamentit e cilësoi Devolen “artist universal”.

“Në të gjitha gjinitë e artit që krijoi, ai i mbeti besnik  humorit. Nëpërmjet humorit të tij origjinal, fshikulloi të keqen dhe negativitetet e shoqërisë. Koço do të mbahet mend gjatë për kontributet e tij për të lartësuar të mirën mbi të keqen, të bukurën mbi të shëmtuarën, gëzimin mbi mërzinë,” – shkroi në mesazhin e tij të ngushëllimit Ruçi.

Kryeministri Edi Rama i shprehut ngushëllimet për humbjen e Devoles përmes një postimi të shkurtër në Facebook.

Kryetari i Partisë Demokratike Lulzim Basha e përmendi në mesazhin e tij ngushëllues “humbjen tragjike të jetës së Devoles nga COVID-19”.

Kryetari i Bashkisë Tiranë, Erion Veliaj, e konsideroi Devolen “emblemë të humorit shqiptar”. Në mesazhin e tij ngushëllues ai e cilësoi “ndarje të hidhur” dhe “të beftë nga jeta” të aktorit 75-vjeçar.


Etiketimet

Kompanitë ajrore paralajmërojnë probleme me fluturimet prej teknologjisë 5G

Kalimi i shërbimeve të telefonave në teknologjinë 5G do të shkaktojë probleme të mëdha me fluturimet. 10 kompanitë më të mëdha ajrore në SHBA e...

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Regjistrohu për të marrë NEWSLETTER