Rama dhe Basha akuza njëri-tjetrit për pandeminë dhe raportin e Dik Martit

KOMENTE

SHPERNDAJE
ARTIKULLIN

Text sizeAa Aa

Kryeministri Edi Rama dhe kryetari i Partisë Demokratike Lulzim Basha shkëmbyen gjatë ditës së dielë replika dhe akuza në lidhje me menaxhimin e pandemisë dhe raportit të Dick Marty, që ngriti dyshime për krime lufte nga Ushtria Çlirimtare e Kosovës (UÇK).

Ishte Basha ai që u shpreh fillimisht se Rama po bën vetëm “lojëra politike” dhe kërkoi arsye se përse nuk po hapet spitali i katërt që trajton të sëmurët me COVID-19.

“Edi Rama lëri shpifjet dhe lojërat politike, përgjigju pse nuk e hap Covid 4? Pse të infektuarit dergjen nëpër ambulanca e nuk ka vend për ta? Pse vazhdon vjedhjen dhe i le të sëmurët të vdesin rrugëve. Pasi shkatërrove ekonominë, tani po ju merr shqiptarëve jetën dhe shëndetin,” – thuhej në postimin e tij në Twitter.

Ndërkohë në krahun tjetër, Rama reagoi duke u shprehur se Basha po fshihet pas akuzave të të sëmurëve me COVID-19 për t’iu shmangur një reagimi mbi votën “pro” të PD dhe LSI ndaj raportit të Dick Marty.

“Lulëzim! Mos u fshih pas Covidit dhe lëri akuzat për ata që po luftojnë përditë në vijën e parë kundër virusit, po përgjigju për faktin që ke qenë bashkë me mjekun peruan në bërjen e dosjes për Shtëpinë e Verdhë! E thuaje çfarë mendon për votën e PD-LSI pro raportit të Dick Marty!” – shkroi Rama.

Nuk mungoi kundërpërgjigjja e Bashës për akuzën e kryeministrit duke thënë se ai është përgjegjës për jetët e humbura.

“Në vend që të bëjë detyrën, Edi Rama bën zëdhënësin e Beogradit. Ai është përgjegjës për jetët e humbura dhe shëndetin e shqiptarëve. Të sëmurët dergjen nëpër ambulanca sepse spitalet janë mbushur plot. Pasi shkatërroi ekonominë ai ka humbur kontrollin mbi pandeminë,” – u shpreh Lulzim Basha.

Edhe ndaj këtij postimi reagoi sërish Rama. Kryeministri jo vetëm që këmbënguli për pretendimet për sa i përket raportit të Marty, por shtoi edhe akuza se kryetari i PD-së “ka marrë në pyetje shqiptarë” për llogari të Marty-it.

“Pse Beogradi nuk e donte raportin e Dick Marty prandaj e miratuat ju Lulëzim! Dhe meqë ra fjala a është e vërtetë që ke përdorur maskë qysh atëherë, kur merrje në pyetje shqiptarët për llogari të zotit Dick apo edhe kjo është sajesë e Beogradit? Fol Lulēzim, thuaje të vërtetën!” – shkroi kryeministri në Twitter.

Debati virtual mes tyre nuk u ndal pasi Basha sërish replikoi.

“Cfarë lidhje ke ti me të vërtetën, Edi Rama? Premtove shëndetësi falas- gënjeve. Premtove 300 mijë vende pune-gënjeve. Papunësia në Shqipëri arriti majat. Premtove se do ulësh çmimet e ushqimeve dhe ilaçeve-gënjeve. Çmimet vetëm janë rritur. Premtove se do ulësh taksat – gënjeve.

Premtove se do ulësh çmimin e energjisë – gënjeve. Po vjen dita të largohesh gënjeshtar. Është koha për një të ardhme të re për Shqipërinë!”,- thuhej në postimin e kryedemokratit.

 


Etiketimet

Kompanitë ajrore paralajmërojnë probleme me fluturimet prej teknologjisë 5G

Kalimi i shërbimeve të telefonave në teknologjinë 5G do të shkaktojë probleme të mëdha me fluturimet. 10 kompanitë më të mëdha ajrore në SHBA e...

OBSH kërkon të dhëna nga kompanitë prodhuese për vaksinat anti-COVID

Komiteti i OBSH-së kërkoi nga kompanitë prodhuese të listojnë vaksinat e tyre për përdorim urgjent. Ata arsyetuan se vonesat po ndikonin në përdorimin e...

Microsoft investon miliarda dollarë në industrinë e lojërave

Microsoft do të blejë prodhuesin e lojërave Activision Blizzard për 68.7 miliardë dollarë. Kjo është ujdia më e shtrenjtë në këtë sektor. Kompania prodhuese e...

Regjistrohu për të marrë NEWSLETTER