SPAK të hetojë krimet zgjedhore, ‘Ligjet’ miratojnë ndryshimet sipas paktit të 5 qershorit

KOMENTE

SHPERNDAJE
ARTIKULLIN

Text sizeAa Aa

Komisioni i Ligjeve miratoi amendimet në Kodin Penal, Kodin e Procedurës Penale si dhe në dy ligje, si reflektim i ndryshimeve që më herët i ishin bërë Kodit Zgjedhor në bazë të asaj që u arrit në Këshillin Politik me marrëveshjen e 5 qershorit mes opozitës dhe mazhorancës.

Me miratimin e ndryshimeve në ligjin për Prokurorinë, tashmë këtij institucioni i jepen kompetenca për të hetuar krimet zgjedhore, siç më herët palët politike kishin rëndë dakord në 5 qershor.

Në fjalën e tij gjatë miratimit të këtyre ndryshimeve, kryetari i Komisionit të Ligjeve, Ulsi Manja u shpreh se me këtë votim, Kuvendi po miraton ato çka ishte vendosur në Këshillin Politik, por pasi ka marrë edhe dakordësinë e institucioneve dhe grupeve të interesit.

 “Ndryshimet që po kalojmë sot në ligj, kanë të bëjnë vetëm me reflektimin në ligj të ndryshimeve që ka pësuar Kodi Zgjedhor për shkak të marrëveshjes së 5 qershorit dhe nuk kanë lidhje me propozimet e tjera që janë propozuar për këtë ligj. Për të qenë të qartë, në nenin 91 do të reflektohen me të njëjtën përmbajtje ndryshimet e propozuara. Pra, në vlerësimin etik dhe profesional të veprimtarisë së magjistratit do të përfshihen edhe çështjet që kanë të bëjnë me krimet zgjedhore. Pra në nenin 75/a, veprat penale të korrupsionit aktiv dhe pasiv në zgjedhje do të hetohen nga SPAK”, u shpreh deputeti Manja.

Këto ndryshime ligjore parashikojnë që kryeprokurori dhe prokurori të kenë kompetenca të gërshetuara për hetimin e rasteve të krimeve zgjedhore.

Po ashtu, SPAK do të ketë të drejtë të hetojë shitblerjen e votës kurse prokuroritë në rrethe do të ngrenë grupe të posaçme pune.

1 COMMENT

Comments are closed.

Etiketimet

Do ju ndihmojmë me integrimin, thotë ambasadori çek

Jemi gati të ndihmojmë Shqipërinë drejt integrimit sapo të marrim presidencën e Këshillit të BE-së, u shpreh ambasadori i Çekisë në Tiranë, Jaroslav Ludva...

Helmimi nga plumbi, mjeku Alimehmeti: Fëmijët e moshës nga 0-5 vjeç më të rriskuar

Fëmijët e moshës nga 0-5 vjeç janë shumë të rriskuar për t’u helmuar nga plumbi, thotë mjeku Ilir Alimehmeti. Në studion e “Mirëmëngjes” ai tha...

Kukulla e ‘Squid Game’ në një park në Korenë e Jugut, tërheq vizitorë të shumtë

Fansat e serialit “Squid Game” po i drejtohen një parku në Korenë e Jugut për të parë kukullën e serialit në përmasa reale. Kukulla e...

Regjistrohu për të marrë NEWSLETTER