Ambasadori Soreca thirrje qytetarëve të rinovojnë dokumentet biometrike, pas takimit me ministrin Çuçi

KOMENTE

SHPERNDAJE
ARTIKULLIN

Text sizeAa Aa

Ambasadori i Bashkimit Europian në Shqipëri, z. Luigi Soreca dhe ministri i Brendshëm Bledi Çuçi u takuan ditën e sotme, lajmëroi përmes një postimi në Twitter kreu i delegacionit të BE në vend.

Sipas ambasadorit Soreca, diskutimi pati në qendër bashkëpunimin Shqipëri-BE për tema, që lidhen me luftën kundër krimit të organizuar, krimin financiar, migracionin, azilkërkimin dhe sundimin e ligjit sipas Instrumenti i Para-Aderimit IPA III dhe me ndihmën e Agjencive të BE.

“Diskutuam gjithashtu përgatitjet për zgjedhjet e ardhshme dhe punën e vazhdueshme nga ministria e Brendshme për të siguruar se listat zgjedhore janë të sakta,” tha ambasadori Soreca.

“Është shumë urgjente që qytetarët shqiptarë të rinovojnë pa vonesë dokumentet e tyre biometrike të ID-së për të qenë në gjendje të votojnë në 25 prill 2021,” – përfundoi kreu i BE në Shqipëri. 

Ministri i Brendshëm Bledi Çuçi, i emëruar së fundmi nga kryeministri Rama pas dorëheqjes së ish-ministrit Sandër Lleshaj, shpërndau gjithashtu në profilin e tij zyrtar në Twitter postimin e ambasadorit të BE.

Zgjedhjet parlamentare në Shqipëri do të mbahen më 25 prill.


Etiketimet

Protesta që përfundoi me vrasjen e 4-fishtë në Bulevard

Si sot 11 vjet më parë, një protestë e organizuar kundër qeverisë së atëhershme të Sali Berishës, u kthye në demonstratë të dhunshme. Ziver Veizi,...

Meta akuzon Bashën që shiti zgjedhjet e 25 prillit

Ilir Meta akuzoi Lulzim Bashën se ka shitur zgjedhjet e 25 prillit, ditën e sotme. Akuzën e bëri në faqen e tij zyrtare në Facebook,...

Regjistrohu për të marrë NEWSLETTER