Presidenti Meta i shqetësuar nga prirja në rritje e pandemisë, kërkon qartësi për planin e menaxhimit

KOMENTE

SHPERNDAJE
ARTIKULLIN

Text sizeAa Aa

Presidenti Ilir Meta apeloi të martën për qartësi në planin e menaxhimit të pandemisë së COVID-19, pasi rastet me infeksione po shtohen dita ditës.

Përmes një postimi në Facebook, Meta tha me shqetësim se numri i të prekurve është rritur ndjeshëm. Ai iu referua disa të dhënave të përpiluara nga Zëri i Amerikës – sipas së cilave javën e fundit pati 20.4% më tepër të infektuar se një javë më parë, më konkretisht: 12-18 janar 4,011 të infektuar, 19-25 janar 4,830 të infektuar.

“Ky është niveli më i lartë i shënuar, që pas javës së dytë të dhjetorit. Nevojitet një plan i qartë, që duhet ta kishim prej kohësh, për menaxhimin efikas të situatës, përmirësimin e prekshëm të kushteve në spitale, rritjen e masave mbrojtëse për mjekët e infermierët dhe veçanërisht për vaksinimin e popullatës,” – shkroi Meta duke theksuar se pandemia nuk ndalet me propagandë.

Sipas Presidentit shëndeti dhe jeta e qytetarëve duhet të jetë prioritet absolut.

Autoritetet shëndetësore njoftuan javën e shkuar për prirjen në rritje të infeksioneve gjatë muajit janar. Për këtë Komiteti Teknik i Ekspertëve arsyetoi mos-hapjen e universiteteve dhe vijimin pa afat të masave kufizuese të vendosura që në nëntor.

Prej 11 janarit Shqipëria ka nisur programin e vaksinimit me prioritet stafin mjekësor pasi një vend i Bashkimit Evropian i premtoi qeverisë në ruajtje të anonimatit një sasi prej rreth dy mijë dozash. Ministrja Ogerta Manastirliu deklaroi të hënën se në muajin shkurt pritet të vijnë dërgesat e para të 500 mijë vaksinave të porositura nga Pfizer dhe ato të tjerat të mekanizmit COVAX.

Prej nisjes së pandemisë në Shqipëri janë diagnostikuar rreth 73 mijë raste me COVID-19, prej së cilave 60% e tyre janë shëruar (44,291 raste), 30.2% janë ende me mbartje të virusit (28,521 raste) ndërsa 1.8% nuk ia kanë dalë mbanë (1,324 raste).

Lexoni gjithashtu:

Pas vonesave nga AstraZeneca BE kërcënon të bllokojë eksportet e vaksinave anti-Covid jashtë unionit

I vodhi pacientit me COVID-19 paratë, policia arreston infermieren

Vaksinat nga COVAX, Manastirliu: Pritet që furnizimet e para të vijnë në shkurt

Pandemia e COVID-19 pësoi prirje ”të ndjeshme” rritëse dy javët e fundit në Shqipëri


Etiketimet

Protesta që përfundoi me vrasjen e 4-fishtë në Bulevard

Si sot 11 vjet më parë, një protestë e organizuar kundër qeverisë së atëhershme të Sali Berishës, u kthye në demonstratë të dhunshme. Ziver Veizi,...

Meta akuzon Bashën që shiti zgjedhjet e 25 prillit

Ilir Meta akuzoi Lulzim Bashën se ka shitur zgjedhjet e 25 prillit, ditën e sotme. Akuzën e bëri në faqen e tij zyrtare në Facebook,...

Regjistrohu për të marrë NEWSLETTER