Qeveria u kërkon ndihmë mediave për të shtuar besimin e qytetarëve te sistemi spitalor

KOMENTE

SHPERNDAJE
ARTIKULLIN

Text sizeAa Aa

Kryeministri Edi Rama kërkoi sot ndihmën e mediave për të shtuar besimin e qytetarëve te sistemi shëndetësisë në mënyrë që për trajtimin e rasteve të rënduara të infektimit nga COVID-19 të mos hezitojnë për t’iu drejtuar spitaleve.

Në një konferencë të jashtëzakonshme për shtyp ku u fol për situatën shqetësuese që ka marrë infeksioni nga COVID-19 në Shqipëri, kryeministri u kërkoi mediave që të jenë më të kujdesshme me raportimet për situatën në spitale. Ai falënderoi në tërësi për denoncimet për rastet abuzive të korrupsionit, por theksoi se “kjo nuk është panorama e përgjithshme” dhe se kjo mund të ndikojë në krijimin e stereotipeve negative për punën e mjekëve në spitale.

“Duhet të jeni të kujdesshëm për të mos u ekspozuar qytetarëve vetëm panoramën ku, kush shkon në spital vdes, kush shkon në spital grabitet, se kështu do të kishim qindra e mijëra njerëz ose të vdekur… largqoftë, ose të grabitur, që s’është ky rasti,” – theksoi kryeministri duke përmendur se në spitalet shqiptare kryhen në tërësi rreth 90 mijë ndërhyrje.

Rama e konsideroi problem mungesën e besimit të qytetarëve te spitalet duke preferuar të mjekohen në shtëpi edhe kur shëndeti i tyre përkeqësohet ndjeshëm.

“[…] duhet ndihma e të gjithëve, sigurisht ka pasur arsye për t’u ndjerë jo mirë, apo dhe keq kur përmes mediave janë shfaqur raste [korrupsioni] të cilat nuk i bëjnë nder sistemit shëndetësor, […] por kjo nuk është situata e përgjithshme […] se janë me mijëra e mijëra njerëz që marrin shërbimin e duhur, që ndërkohë sistemi funksionon më së miri për shumicën e rasteve, për deri sa shifrat dhe faktet e thonë këtë,” – këmbënguli Rama, duke ndarë me mediat përgjegjësinë për besimin e ulët te spitalet.

Lexoni gjithashtu:

Rama: Në Shqipëri ka sinjale të arsyeshme për futjen e varianteve të reja të virusit

Pandemia, ministrja Manasterliu: Prirje shqetësuese javët e fundit, 78% e kapaciteteve në spitale të zëna



Etiketimet

Nata e parë e ‘BAFTA’, vlerësohet me dy çmime filmi ‘Ma Rainey’s Black Bottom’

Nisi mbrëmjen e djeshme nata e parë e ndarjes së çmimeve “BAFTA” çka paraprin natën e madhe të  eventit më të rëndësishme të kinematografisë...

Shifra alarmante në RMV, 46 të vdekur nga Covid-19

Prirja e epidemisë Covid-19 në Maqedoninë e Veriut vijon të mbetet shqetësuese dhe këtë fakt e dëshmojnë shifrat. Autoritetet shëndetësore njoftojnë se në 24 orët...

Shtatë të vdekur nga Covid-19, bie numri i infektimeve

Shtatë qytetarë të prekur me Covid-19 kanë humbur jetën në Shqipëri. Lajmi bëhet i ditur nga Ministria e Shëndetësisë, e cila po ashtu thekson...









Regjistrohu për të marrë NEWSLETTER