Vrasja e Behar Sofias, ende asnjë gjurmë për autorët, familjarët mohojnë që viktima të ketë pasur konflikte

KOMENTE

SHPERNDAJE
ARTIKULLIN

Text sizeAa Aa

Euronews Albania sjell detaje të reja nga vrasja e 66-vjeçarit Behar Sofia, ngjarje e ndodhur një ditë më parë në Tiranë.

Gazetari Merin Maçi raporton se nga këqyrja e kamerave të sigurisë në zonën ku banonte 66-vjeçari, ekspertët kanë analizuar disa persona të dyshimtë që mund të kenë ndjekur viktimën e më pas kanë sinjalizuar ekzekutorin.

Ndërkohë dyshohet se ekzekutori mund të jetë larguar nga vendngjarja me biçikletë. 

Një tjetër provë në duart e hetuesve është edhe telefoni i viktimës, i cili po analizohet për të parë komunikimet e fundit që 66-vjeçari ka pasur para se të ekzekutohej.

Për ngjarjen gjatë ditës së djeshme ka pasur me dhjetëra shoqërime të personave që mund të kenë qenë dëshmitarë në momentin e ekzekutimit si dhe persona të dyshuar.

Në fakt deri tani nuk ka ende prova që të çojnë në gjurmët dhe identifikimin e autoreve të atentatit tip “mafioz”, ndërkohë që pista e hetimeve kryesisht është përqendruar tek e kaluara e viktimës.

Ndërkaq në pyetje janë marrë dhe familjarët e 66-vjeçarit, të cilët kanë mohuar se Sofia ka pasur konflikte kohët e fundit dhe se ditën e djeshme nuk i kishte thëne se do takonte njeri.

“Nuk kemi pasur kërcënime dhe konflikte kohët e fundit. Behari doli të pinte kafe, pastaj do të blinte diçka dhe do të kthehej në banesë”, janë shprehur familjarët.

Ata kanë pohuar se kur i afërmi i tyre doli, nuk u ka thënë se do takonte njeri.

Ngjarja e rëndë ndodhi rreth orës 09:00 të mëngjesit të djeshëm pranë ETC-së në Tiranë. 

66 -vjeçari ishte duke lëvizur në këmbë në momentin kur u ekzekutua me një armë me silenciator. 

Ai ishte preson me precedent penalë dhe ka pasur tre identitete: Behar Seferi, Behar Sofia dhe Fatmir Sofia. 

Lexoni gjithashtu:

Atentat me silenciator, ekzekutohet në Tiranë 66-vjeçari

Etiketimet

Sopranoja Ermonela Jaho: Në momentin që nuk do kem emocione, do ta lë këtë zanat

“Në momentin që nuk do kem emocione unë do ta lë këtë zanat”. Kështu u shpreh për Euronews Albania, sopranoja e njohur Ermonela Jaho...

‘Grusht shteti brenda partisë’, Bejko dhe Bumçi përplasen për përjashtimin e Berishës

Anëtari i kryesisë dhe i Këshillit Kombëtar të PD-së, Aldo Bumçi dhe Roland Bejko debatuan në Euronews Albania sa i takon legjitimitetit të vendimit...

‘S’mund të jetojmë dot pa artin’, Ermonela Jaho tregon emocionet në Teatrin e Operas dhe Baletit

Sopranoja me famë botërore, Ermonela Jaho në një intervistë për Euronews Albania u shpreh se gjatë performancës së saj në Teatrin e Operas dhe...

Regjistrohu për të marrë NEWSLETTER