Meta kërkon reflektim nga Kuvendi për zgjatjen e koncesionit të Rinasit: Reforma në Drejtësi s’është e suksesshme

KOMENTE

SHPERNDAJE
ARTIKULLIN

Text sizeAa Aa

Presidenti Ilir Meta u shpreh për Euronews Albania se shpreson që të ketë reflektim nga Kuvendi për ligjin për zgjatjen e koncesionit të aeroportit  “Nënë Tereza”, për të cilin tha se është anti-kushtetues. 

Teksa u pyet nga gazetari Renaldo Salinanji sesi do të veprojë nëse Kuvendi e kthen dekretin e tij, Meta theksoi se kreu i shtetit ka bërë punën e tij dhe se çdo shkelje është e dokumentuar.  

“Lidhur me këtë sjellje të Kuvendit që nuk reflekton ndaj kthimeve dhe argumenteve ndaj presidentit, unë bëj diturën time. Unë shpresoj që të ketë reflektim pavarësisht se gjasat janë të pakta”, tha ai.

“Jemi në prag bërje listash dhe u premton të gjithëve për të qenë nëpër lista duke ngritur kartonin dhe duke ulur kokën për çështje që rëndojnë interesin publik dhe atë të qytetarëve dhe taksapaguesve tanë. Për të gjitha çështjet këtu dokumentacioni është i qartë, paralajmërimet janë bërë në mënyrë ligjore, tepër të mirë-dokumentuara”, tha ai më tej. 

Kreu i shtetit nënvizoi se pas 25 prillit çdo të hetohet çdo shkelje. 

Ai e cilësoi Reformën në Drejtësi si jo të suksesshme. 

“Pa asnjë diskutim që nëse do të kishin pasur vërtet një Reformë në Drejtësi të suksesshme kurrë nuk do të kishin guxuar, ministrat, qeveria po edhe vetë Kuvendi, këto gjëra që kanë bërë. Megjithatë të jeni të sigurt që mbas 25 prillit çdo gjë do të ndiqet me rigorozitet të plotë. Çdo dëm që i është bërë interesit publik, çdo shkelje, prandaj ftova edhe forcat e tjera politike, që garojnë në zgjedhjet e ardhshme që ta lexojnë me vëmendje”, përfundoi kreu i shtetit.

Lexoni gjithashtu:

Kuvendi miraton zgjatjen e koncesionit të aeroportit të Rinasit deri në vitin 2040

Etiketimet

Rënie e theksuar e vdekjeve dhe infektimeve me COVID-19 pas vaksinimit, sipas studimit italian

Rastet e reja me COVID-19 tek të gjitha grup moshat kanë rënë me 80 për qind vetëm pesë javë pas dozës së parë të...

Rritet çmimi i karburanteve, nafta dhe benzina 5 lekë më shtrenjtë në tregun e pakicës

Në pikat e furnizimit me pakicë të karburanteve, këtë fundjavë është vënë re rritje të çmimit të naftës dhe benzinës. Nëse në fillim të javës...

Nuk ndalen sulmet në Gaza, goditen zyrat e mediave Associated Press dhe Al Jazeera

Nuk kanë të ndalur sulmet dhe kundërsulmet mes Izraelit dhe grupit Hamas, ku orë pas ore raportohet për jetë të humbura mes civilëve. Një ndërtesë...

Regjistrohu për të marrë NEWSLETTER