Qeveria synon të shtojë kapacitetet e vaksinimit në 10-15 mijë injeksione në ditë

KOMENTE

SHPERNDAJE
ARTIKULLIN

Text sizeAa Aa

Qeveria synon të shtojë ndjeshëm kapacitetet e vaksinimit për COVID-19 teksa sot Kuvendi miratoi autorizimin që dy ministra të saj të negociojnë direkt me kompanitë farmaceutike për të marrë më shumë doza.

Ministrja e Shëndetësisë, Ogerta Manastirliu tha në Kuvend se qeveria po punon “për të përgatitur kapacitetet e vaksinimit për të pasur mundësi të injektohen 10-15 mijë vaksina në ditë” kjo me objektivin madhor që “të vaksinohet sa më shpejt popullata”.

Duke kërkuar nga deputetët miratimin e Aktit Normativ që i jep asaj dhe ministrit Arben Ahmetaj këtë kompetencë, Manastirliu tha se në këtë mënyrë “zgjerohet mundësia për negociata të qeverisë me kompani të ndryshme të certifikuara për vaksinat anti-COVID”.

Prej 11 janarit, kur nisi programi i vaksinimit, në Shqipëria ka marrë 90 mijë doza vaksinash anti-Covid, prej së cilave diçka më pak se gjysma janë injektuar për stafin mjekësor, të moshuarit dhe arsimtarët.

Burime zyrtare për Euronews Albania kanë bërë me dije se 74% e vaksinimeve janë kryer si injektime të para – 35,904 persona kanë marrë një dozë, – ndërsa 26% kanë marrë vaksinën e plotë – 12,311 persona kanë marrë dy doza.

Të dhënat e përgjithshme të përpunuara nga Euronews Albania tregojnë se prej nisjes së vaksinimit, mesatarja e përgjithshme ditore e injektimeve ka qenë 679 doza në ditë. Piku i injeksioneve ditore u arrit më 11 mars ku u injektuan 4,998 vaksina.

Shqipëria ka parapaguar 3.9 milionë dollarë mekanizmin COVAX për të marrë prej saj rreth 1 milionë vaksina, ndërkohë që është në bisedime me Bashkimin Evropian për të përfituar një grant prej 11 milionë eurosh që pritet të shkojë kryesisht në programin e vaksinimit.

Krahas mekanizmit COVAX, Shqipëria ka porositur 500 mijë doza me negociim direkt te kompania Pfizer. Përmes këtyre kontratave, prej së cilave mund të vaksinohen deri në 750 mijë njerëz, autoritetet presin që të nisin vaksinimin masiv të popullsisë.

Etiketimet

Macron pret Kurtin, presidenti francez: Të arrihet akordi me Serbinë, do keni mbështetjen tonë

Presidenti i Francës, Emmanuel Macron i ka përcjellë kryeministrit të Kosovës, Albin Kurtit mesazhin se Prishtina dhe Beogradi duhet të gjejnë kompromisin për një...

Turizmi rural në Shqipëri, “Shtegu i Ngjyrave” në Kukës mahnit me bukuritë natyrore

Deri tani Shqipëria është vlerësuar nga shumë operatorë dhe vizitorë ndërkombëtarë për peizazhin, natyrën, pamjen e saj të bukur, të cilat konsiderohen gjithashtu si...

Pasojat e pandemisë, BQE: Burrat humbën më shumë vende pune se gratë

Burrat pësuan humbjen më të madhe të vendeve të punës në bllokun evropian gjatë pandemisë. Kështu deklaroi të mërkurën Banka Qendrore Evropiane, duke hedhur...

Regjistrohu për të marrë NEWSLETTER