Rritet çmimi i karburanteve, nafta dhe benzina 5 lekë më shtrenjtë në tregun e pakicës

KOMENTE

SHPERNDAJE
ARTIKULLIN

Text sizeAa Aa

Në pikat e furnizimit me pakicë të karburanteve, këtë fundjavë është vënë re rritje të çmimit të naftës dhe benzinës.

Nëse në fillim të javës një litër naftë blihej me 157 lekë për litër, sot çmimi ka kapërcyer në 162 lekë, me rritje mesatare 5 lekë për litër.

Shkak për ndryshimin e radhës është rritja e çmimit të lëndëve djegëse në bursat ndërkombëtare, për shkak të rritjes së kërkesës me hapjen graduale të ekonomive të cilat prej një viti kanë pasur kufizime për shkak të pandemisë COVID-19.

Edhe gazi, ka njohur shtrenjtim me 20-25% në fund të muajit shkurt, duke u tregtuar me çmim 60 lekë për litër nga 45 që ishte më herët.

Në tregun shqiptar, çmimi i lartë dhe i paqëndrueshëm i karburanteve është pasojë edhe e taksave direkte, të cilat e bëjnë të pamundur konkurrencën me rajonin.

Sipas indeksit të Global Petrol Prices, pas karantinës, çmimi mesatar i karburanteve në Shqipëri ra me 35%, duke zbritur nga dhjetëshja e vendeve me karburantet më të shtrenjta në Europë. Por pas luhatjeve të fundit në bursa, duket se këto çmime po i drejtohen rritjes.

Niveli i taksimit në tregun e hidrokarbureve:

  • Taksa e Qarkullimit-27 Lekë/Litër
  • Taksa e Karbonit-3 Lekë/Litër
  • Taksa e Markimit-1 Lekë/Litër.

Etiketimet

Gjermania mund 4-2 Portugalinë duke vënë seriozisht në diskutim pozitat e tyre në grup

Gjermania fitoi bindshëm 4-2 përballjen e dytë në Euro 2020 kundër Portugalisë të shtunën. Ndeshja e vlefshme për Grupin F nisi me një gol të...

Presidenti i SHBA-së, Joe Biden i hidhëruar për humbjen e qenit të tij

Presidenti i Shteteve të Bashkuara të Amerikës, Joe Biden dhe Zonja e Parë, Jill Biden njoftuan të hidhëruar humbjen e qenit të tyre pastor...

Surprizon Hungaria, ndal kampionët e botës

Hungaria bën surprizën e madhe në fazën e grupeve, duke marrë pikën e parë, ndaj kampionëve të botës, Francës. Gjelat hasën vështirësi ndaj një kundërshtari të...

Regjistrohu për të marrë NEWSLETTER