Punonjësit e agjencisë në Ministrinë e Brendshme tenderojnë miliona euro pa qenë nëpunës civilë

KOMENTE

SHPERNDAJE
ARTIKULLIN

Text sizeAa Aa

Në 14 shkurt të 2018-s Këshilli i Ministrave vendosi krijimin, organizimin dhe funksionimin e Agjencisë së Blerjeve të Përqendruara, e cila realizon thuajse të gjithë tenderët për administratën qeveritare, që nga karburanti deri te veshjet.

Por ligji i ka përjashtuar punonjësit e kësaj agjencie nga statusi i nëpunësit civil, në ndryshim nga punonjësit e administratës publike.

Vendimi i qeverisë përcakton se marrëdhëniet e punës së drejtorit dhe punonjësve rregullohen sipas dispozitave të kodit të punës.

Euronews Albania u drejtua pranë Departamentit të Administratës Publike, institucion i cili konfirmoi se punonjësit e Agjencisë së Blerjeve të Përqendruara nuk gëzojnë statusin e nëpunësit civil.

Rrjedhimisht, punonjësit e kësaj agjencie nuk përzgjidhen me konkurs të DAP, por praktikisht, janë drejtuesit ata që mund të emërojnë ose shkarkojnë sipas vlerësimit të tyre punonjësit. Por, si e shohin ekspertët mungesën e statusit të nëpunësit në institucione kaq të rëndësishme.

“Operimi me kod pune ofron më shumë lehtësira burokratike dhe procedurale për të ndërtuar marrëdhënien e punës, por nga ana tjetër krijon një farë pasigurie të lartë për të punësuarin për vendin e tij të punës, dhe kjo është bërë enkas për t’i dhënë dorë të lirë shtetit për të shkarkuar, duke respektuar disa procedura minimaliste të punësuarit, në mënyrë të drejtpërdrejtë dhe shumë shpejt që ata mos kenë pretendime për dëmshpërblime. Nuk është bërë një filtër apo një analizë e mirëfilltë paraprake, që sipas rëndësisë së institucioneve, cilit do t’i takojë me të drejtë statusi i nëpunësit civil”, – thotë Erion Muça, ekspert i karrierës dhe punësimit.

Në përgjigjen e dhënë për Euronews Albania, Departamenti i Administratës Publike konfirmoi se për 2 nga punonjësit e Agjencisë së Blerjeve të Përqendruara, Mariglen Buzhali dhe Klevis Hasani të arrestuar nga SPAK për abuzimin me tenderin e uniformave të policisë, nuk ka fare të dhëna në regjistrin qendror të personelit, që është baza unike e të dhënave për nëpunësit e administratës shtetërore.

Ndërkohë, Edlira Naqellari rezulton se 3 muaj pas krijimit të agjencisë ka ushtruar fillimisht detyrën e drejtorit të zhvillimit të prokurimeve, ndërsa në dhjetor të 2018-s është emëruar drejtoreshë e përgjithshme, deri më 1 korrik të 2021, pak ditë para aksionit të SPAK.

“Jo vetëm duhet të ishte me status nëpunësi civil, por do duhej të kishte edhe një sistem të mirëfilltë bonusesh shpërblyese në këto institucione kaq të rëndësishme që kanë në dorë menaxhimin e buxhetit të shtetit, me qëllim që ata të kishin motivimin e nevojshëm në nivele shumë të larta në mënyrë që mos të arrinin të orientoheshin drejt hapësirave për të abuzuar”, shprehet z. Muça.

 

LEXONI GJITHASHTU:

Etiketimet

“Conference League”, Laçi e Prishtina kalojnë në fazën e tretë, eliminohen Partizani dhe Drita

Laçi e Prishtina ia dolën të kualifikohen për në fazën e tretë eliminatore të “Conference League”, ndërsa Partizani dhe Drita u eliminuan. Prishtina e siguroi...

Kalon ligji për shtetësi në RMV, iniciativë e partive shqiptare

Me 57 vota “Pro” dhe 32 “Kundër”, Kuvendi i Maqedonisë së Veriut miratoi ligjin për shtetësi. Me ndryshimet në këtë ligj synohet të zgjidhet...

Armando Subashi mohon që deklarimet e Petro Koçit të jenë akuza ndaj tij

Akuzave të deputetit të zgjedhur të Partisë Socialiste, Petro Koçi për tenderët në bashkinë e Fierit, u është përgjigjur herë të parë kryetari i...














Regjistrohu për të marrë NEWSLETTER