2 vrasës me pagesë dyshohet se vranë 40-vjeçarin në Lushnjë

KOMENTE

SHPERNDAJE
ARTIKULLIN

Text sizeAa Aa

Atentati i djeshëm që ndodhi në një lokal në pedonalen e Lushnjës, ku u vra Bledar Muça, dyshohet se është kryer nga vrasës me pagesë.

Burime për Euronews Albania bëjnë me dije se dyshohet se kanë qenë 2 persona brenda një mjeti tip “Golf”, të cilët qëlluan me breshëri kallashnikovi në drejtim të 40-vjeçarit.

Nga breshëria e plumbave mbetën të plagosur edhe 5 persona të tjerë, mes të cilëve edhe Julian Velo, kunati i viktimës. Ky i fundit ndodhet në spital në gjendje të rëndë.

Mjeti me të cilin u krye atentati dyshohet se është vjedhur në qytetin e Vlorës dhe pas ngjarjes autorët i vunë flakën në fshatin Thanasaj në Lushnjë.

Autorët janë treguar mjaft të kujdesshëm, pasi dhe në automjetin ku janë gjetur 2 armët e zjarrit tip kallashnikov, që dyshohet se u përdoren për vrasjen e të riut, u ishte fshirë numri serial për t’u mos identifikuar.

Një nga pistat ku po heton prokuroria është e shkuara e viktimës, pasi në vitin në 2007, Muça ka qenë nën hetim për tentativë për vrasje.

Po kështu, po hetohet për një lidhje krushqie të tij me një anëtar të bandës “Hakmarrje për Drejtësi”, si dhe për konfliktet e fundit që mund të ketë pasur viktima.

 

LEXONI GJITHASHTU:

Etiketimet

8 viktima nga COVID-19, mbi 400 raste të reja në 24 orë

Gjatë 24 orëve të fundit në Shqipëri ka pasur 8 humbje jete dhe mbi 400 raste të reja me COVID-19. Viktimat janë dy qytetarë nga...

Mijëra qytetarë nderojnë 3 viktimat e sulmit me armë në Deçan

Mijëra qytetarë në Deçan kanë ndezur qirinj për tre personat që u vranë mbrëmjen e së premtes pas një sulmi me armë ndaj një...

Festat e Nëntorit, kalendari i aktiviteteve që mund të ndiqni më 28-29 nëntor

Aktivitetet për fesat e Nëntorit kanë nisur që të premten në Tiranë, me ekspozita dhe diskutime për figurat e rëndësishme që kontribuuan në pavarësinë. Në...

Regjistrohu për të marrë NEWSLETTER